ලලිත් චාමින්ද
අවුරුදු පහට අඩු දරුවන් අතර උසට සරිලන බර නොමැති දරුවන්ගේ ප්රතිශතය සැලකිමේ දි ශ්රි ලංකාව දකුණු ආසියානු කලාපය තුළ වඩාත් බලපැමට ලක්වු රටවල් අතර දෙවන ස්ථානයට පත්ව ඇති බව ශ්රි ලංකා මහ බැංකුව විසින් 2022 වර්ෂයට අදාලව නිකුත්කොට ඇති වාර්ෂික වාර්තාවේ සඳහන් වේ.
ලෝක බැංකු සංඛ්යා ලේඛන වලට අනුව 2022 වර්ෂයේ දි මෙරට ළමුන්ගේ පෝෂණ මට්ටම පිරිහිමට ලක්ව ඇති බවද එම වර්තාවේ දැක්වේ.
2022 වර්ෂය තුළ මෙරට අවුරුදු පහට අඩු ළමුන් අතර අඩුබර ළමුන්ගේ ප්රතිශතය සියයට 15.3 දක්වා වැඩිවි ඇත. එය 2021 වර්ෂයේ දි සියයට 12.2ක්ව පැවතුනි. මේ අතර 2022 වර්ෂය තුලදි අවුරුදු පහට අඩු ළමුන් අතර වයසට සරිලන උස නොමැති හා උසට සරිලන බර නොමැති දරුවන්ගේ ප්රතිශතය පිළිවෙළින් සියයට 9.2ක් සහ සියයට 10.1 දක්වා ඉහල ගොස් ඇති බවද මහ බැංකුව විසින් නිකුත්කොට ඇති වාර්ෂික වාර්තාවේ සදහන් වේ.
2021 වර්ෂය තුළ අවුරුදු පහට අඩු ළමුන් අතර වයසට සරිලන උස නොමැති දරුවන්ගේ ප්රතිශතය සියයට 7.4කි. උසට සරිලන බර නොමැති දරුවන්ගේ ප්රතිශතය සියයට 8.2කි.
ආර්ථික ගැටළු හේතුවෙන් මෙරට ළමා මන්දපෝෂණ තත්වය වර්ධනය වි ඇති අතර බොහෝ දිස්ත්රික්කවල ළමා මන්දපෝෂණ තත්වය අයහපත් ලෙස වර්ධනය වි ඇති බවද මහබැංකුව විසින් නිකුත්කොට ඇති වර්තාවේ සදහන් වේ.
අවුරුදු පහට අඩු දරුවන් අතර ඉහළම අඩුබර ළමුන් ප්රතිශතය වු සියයට 23.9 නුවරඑළිය දිස්ත්රික්කයෙන් වාර්තාවේ. අඩුබර ළමුන්ගේ අඩුම ප්රතිශතය වාර්තා වන්නේ කොළඹ දිස්ත්රික්කයෙනි .එය සියයට 9.8කි.
ළමුන් අතර වයසට සරිලන උස නොමැති ළමුන්ගේ වැඩිම ප්රතිශතයක් වාර්තාවන්නේ නුවරඑළිය දිස්ත්රික්කයෙන් වන අතර එය සියයට 22.8කි. එහි අඩුම ප්රතිශතය වන සියයට 5.1 කොළඹ දිස්ත්රික්කයෙන් වාර්තාවේ.
පෝෂණ විෂමතා මැඩලිම සදහා එකාබද්ධ උත්සාහයක් නොගතහොත් ආර්ථික අර්බුදය හමුවේ මෙම විෂමතාවයන් තවදුරටත් උග්රවනු ඇති බවද මහබැංකුව විසින් නිකුත්කොට ඇති වාර්ෂිත වාර්තාවේ සදහන් වේ.
