දැවැන්ත භූමි කම්පා ආපදාවකට ලක් වූ තුර්කි රාජ්යයෙන් නිල දැනුම් දීමක් කළ සැණින් හදිසි ආපදා කටයතු සඳහා පූර්න පුහුණුවක් ලත් හමුදා භටයින් 300ක ඛණ්ඩයක් මේ වනවිට සීරුවෙන් තබා ඇතැයි යුද හමුදා මාධ්ය ප්රකාශක සහ ජනමාධ්ය අධ්යක්ෂ බ්රිගේඩියර් රවී හේරත් පවසයි.
එහෙත් ශ්රී ලංකා හමුදා ඛණ්ඩය දසූදානමින් සිටියද එරට පවතින දැඩි ශීත කාලගුණික තත්වය හේතුවෙන් පවතින තත්ත්වයට මුහුණ දිම සඳහා පවතින ප්රායෝගික අපහසුතා මත තුර්කි රාජ්ය්ය ශ්රී ලංකාව වැනි ඝර්ම කලාපීය රටවලින් සහන සේවා කණ්ඩායම් ගෙන්වා ගැනීමට සම්බන්දයෙන් යම් පසුබෑමක් පෙන්නුම් කරන බව අනාවරණයවේ.
එහෙත් යම් කැඳවීමක් ලදහොත් වහාම මෙහෙයුම් සඳහා එක්වීමට ශ්රී ලාංකික භට පිරිස් සුදානමින් සිටිති.
යුද හමුදා මාධ්ය ප්රකාශක බ්රිගේඩියර් රවී හේරත් පවසන්නේ යුද හමුදා වෛද්ය බළකාය, ඉංජිනේරු රෙජිමේන්තු සහ ආපදා ප්රතිචාර සහන මෙහෙයුම් ඒකකය ඇතුළු නිලධාරීන් 26 දෙනකුගෙන් සහ සෙසු නිලයින් 26 දෙනකුගෙන් යුත් මෙම කණ්ඩායම දැනුම් දීම ලැබී පැය 12ත් 24ත් ඇතුළත ඕනෑම වේලාවක පිටත්ව යාමට සූදානම් බව ය.
“තුර්කි රජයේ නිල ඉල්ලීම තුර්කි තානාපති කාර්යාලයට සහ විදේශ කටයුතු අමාත්යාංශයට ලැබුණු පසු, පැය 12 සිට 24 දක්වා කාලය තුළ මේජර් ජෙනරාල්වරයෙකු සහ බ්රිගේඩියර්වරයෙකුගේ ප්රධානත්වයෙන් යුත් හමුදා කණ්ඩායම තුර්කියා වෙත යවන්න අපට පුළුවන්. “ හමුදා මාධ්ය ප්රකාශකවරයා පැවසීය.
“අපගේ හමුදා කණ්ඩායම ශීත ඍතු ආම්පන්න සහ ශීත ඍතු සෙවීම් සහ මුදාගැනීමේ මෙහෙයුම් සඳහා භාවිතා කරන උපකරණ වලින් සමන්විතද යන්න පිළිබඳව විමසීම් කරනු ලැබුවා. ,” යුධ හමුදාවේ ඉහළ පෙළේ නිලධාරියකු සන්ඩේ ටයිම්ස් පුවත් පත වෙත ප්රකාශ කර තිබුණි.
නවතම සංඛ්යාලේඛනවලට අනුව, රටවල් 95 ක් තුර්කියට ආධාර ලබා දී තිබේ. රටවල් 56 ක විදේශීය හමුදා සහ විශේෂිත ගලවා ගැනීමේ නිලධාරීන් 7000 ක් පමණ දැනට තුර්කියේ මෙහෙයුම්වල නිරතව ඇත.
මේ භට පිරිස් සඳහා ගමන් වියදම් රජය විසින් දැරිය යුතුවේ.
