සූරියවැව නුවන් ජයසේකර –
වසර 11ට පෙර ගාල්ල කලේගාන ප්රදේශයේදි හෙරොයින් ජාවාරමේ නිරතව සිටියදී අත් අඩංගුවට ගෙන අධිකරණයට ඉදිරිපත් කෙරුණු කාන්තාවකට එරෙහිව ගාල්ල මහාධිකරණයේ පැවති නඩු විභාගයකදී චූදිත කාන්තාව අදාල චෝදනාවට වරද කරු වීම හේතුවෙන් ඇයට ගාල්ල මහාධිකරණ විනිසුරු පූර්ණිමා පරණගම අද (31)ජීවිතාන්තය දක්වා සිර දඩුවමක් නියම කෙරුණි.
මෙලෙස ජීවිතාන්තය දකවා සිර දඩුවම් නියම වූයේ ගාල්ල කලේගාන ප්රදේශයේ අදිංචිව සිටි 58 හැවිරිදි කාන්තාවකටය.
චූදිත කාන්තාව කලක් තිස්සේ මහා පරිමානයෙන් හෙරොයින් මත් ද්රව්ය ජාවාරමේ නිරත කාන්තාවකි. එම කාන්තාව පිළිබද ලද තොරතුරක් මත 2014.05.09 වන දින ගල්ල දූෂණ මර්ධන අංශයේ නිළධාරීන් සිදුකළ වැටලීමකදී හෙරොයින් මත් ද්රව්ය ග්රෑම 09 යි මිලි ග්රෑම් 18ක් සමග අත් අඩංගුවට ගෙන ගාල්ල මහේස්ත්රාත් අධිකරණයට ඉදිරිපත් කර තිබේ.
එහිදී චූදිත කාන්තාවට එරෙහිව ගාල්ල මහේස්ත්රාත් අධිකරණයෙ පැවති මූලික නඩු විභාගයෙන් පසු නීතිපති වරයා විසින් හෙරොයින් ජාවාරම් කිරීම හා සන්තකයේ තබාගැනීමේ චෝදනා දෙකක් යටතේ 2015.01.12 දින ගාල්ල මහාධිකරණය හමුවේ අධි චෝදනා බාර දී තිබේ.
ඉනනතුරුව පැවති නඩු විභාගයෙන් අනතුරුව චූදිත කාන්තාවට නගා තිබූ අධි චෝදනා දෙකෙන් එකක් සාධාරණ සැකයෙක් ඔබ්බට ඔප්පු කිරීමට පැමිණිල්ල සමත් වීය.
ඒ අනුව දෙපාර්ශයයේම ඉදිරිපත් වූ කරුණු සළකා බැලූ ගාල්ල මහධිකරණ විනිසුරුවරිය චුදිත කාන්තාවට ජීවිතාන්තය දක්වා සිර දඩුවමක් නියම කෙරුණි. නීතිපති වරයා වෙනුවෙන් රජයේ අධි නීතිඥ චිරන්තක පලුගස්වැව පැමිණිල්ල මෙහෙයවන් ලදි.
