මනම්පිටිය නිමල් ජයරත්න –
හමුදා නිල ඇඳුම් කීපයක්, පී කැප් පහක්, ටී.56 උණ්ඩ 15, හිස් පතුරම් කොපු විස්සක් ,තහනම් පිහි දෙකක්, සමග හිටපු නාවික හමුදා සෙබලෙක් අද (18 ) අත්අඩංගුවට ගත් බව පොළොන්නරුව පොලිසිය කියයි. වැටලීම සිදුකර ඇත්තේ විශේෂ කාර්ය බලකායට ලැබුණු විශේෂ තොරතුරක් මතය.
අත්අඩංගුවට ගත් සැකකරු පොළොන්නරුව විජයබාපුර ප්රදේශයේ පදිංචි 46 වියති නාවික හමුදාවෙන් ඉවත් වූ අයෙකු බව, ඒ පිළිබඳ පරීක්ෂණ සිදු කරන පොළොන්නරුව මූලස්ථාන පොලිස් පරීක්ෂක පී.පී.කේ. පතිරණ අප කළ විමසීමකදී පැවසීය.
අත්අඩංගුවට ගත් නිල ඇඳුම්, පතුරම්, සමග සැකකරු අද 18 වෙනිදා පොළොන්නරුව මහේස්ත්රාත් අධිකරණයට ඉදිරිපත් කිරීමට කටයුතු කරන බවද පොලිසිය කියයි.
පොළොන්නරුව ජ්යෙෂ්ඨ පොලිස් අධිකාරී බුද්ධික මනතුංගගේ උපදෙස් මත,පොළොන්නරුව මූලස්ථාන පොලිස් පරීක්ෂක පී.පී.කේ. පතිරණ ඇතුළු පොලිස් නිලධාරි කණ්ඩායමක් මේ පිළිබඳ වැඩිදුර පරීක්ෂණ සිදු කරයි.
