අද (03) අළුයම පොළොන්නරුව වැලිකන්ද සෙවනපිටිය නගරයේ එළවළු වෙළඳාමේ නිරතව සිටි මවකට නගරයේ රැඳි සිටි වන අලියෙක් පහර දිම නිසා මව එම ස්ථානයේම මියගොස් ඇති බව මනම්පිටිය පොලිසිය කියයි.
මෙලෙස මියගොස් ඇත්තේ අංක 77 සෙවනපිටිය ලිපිනයේ පදිංචිව සිටි, එච්.පී. ඥානවතී කල්දේරා නැමැති 65 වියති මාතාවක් බව ඒ පිළිබඳ පරීක්ෂණ සිදුකරන මනම්පිටිය පොලිසිය සඳහන් කරයි.
වාර්තා වන පරිදි සිද්දිය මෙසේය. අද අලුයම වන අලියකු සෙවනපිටිය නගරයට පැමිණ තිබේ. නගරයේ හැසිරෙන මෙම වන අලියා පිළිබඳ නගරවාසීන් මනම්පිටිය පොලිසිය දැනුවත් කිරීමත් සමඟ පොලිසිය එම අලියා පලවා හැර ඇත. එහෙත් පලවා හළ වන අලියා නැවත රහසේ හැරී විත් ප්රහාරයට ලක් වූ මවගේ නිවස අසල රැඳී සිට ඇත. අලුයම 4.30 ට පමණ මව තම එළවළු වෙළෙඳසැළ විවෘත කර එලියට බැසීමත් සමග ඇය වන අලි ප්රහාරයට ලක් වී තිබේ.
මවගේ පශ්චාත් මරණ පරීක්ෂණ කටයුතු අද දහවල් සිදුකළේය. පොලොන්නරුව ජ්යෙෂ්ඨ පොලිස් අධිකාරි නිශාන් ද සිල්වාගේ උපදෙස් මත සිද්ධිය පිළිබඳ වැඩිදුර පරීක්ෂණ සිදුකරන්නේ මනම්පිටිය පොලිස් ස්ථානාධිපති පොලිස් පරීක්ෂක අසේල සරත් කුමාර ඇතුළු කණඩායමකි.
