එල්.එන්.ජී ගිවිසුමට ආණ්ඩුව ඇතුළේ සිටින සුළු පක්ෂ විරුද්ධ වුවත් රටට අවශ්ය තීන්දු කිසිවෙකුගේ අවශ්යතාවය මත නැවැත්විය යුතු නැති බව පොදුජන පෙරමුණේ ලේකම් පාර්ලිමේන්තු මන්ත්රී සාගර කාරියවසම් පවසයි.
ඔහු මේ බව ප්රකාශ කළේ යුගදනවි බලාගාරය ගැන මාධ්යවේදියෙක් නැගූ පැනයකට පිළිතුරු දෙමිනි.
“පක්ෂයක් ලෙස අපි මේ රටට අවශ්ය තීන්දු තීරණ ගන්නවා. කවුරු විරුද්ධ වුනත් රට වෙනුවෙන් ගන්න තීන්දු ඉදිරියට ගෙන යා යුතුයි. අපි කැබිනට් මණ්ඩලයෙන් ජනාධිපති තුමාගෙන් අගමැති තුමාගෙන් ඉල්ලා සිටිනවා ඒ තීන්දු වලට කවුරු විරුද්ධ වුනත් ක්රියාත්මක කරන්න කියලා. “
යළිත් පාර්ලිමේන්තු මන්ත්රීවරයා කීවේ මොන තත්ව යටත් වුව ද මේ තීන්දු ඉදිරියට යා යුතු බවය.
