සූරියවැව නුවන් ජයසේකර –
සිර මැදිරියේ රඳවා සිටි සැකකරුවකුට පලායාමට අවස්ථාව සලසමින් සිය රාජකාරි පැහැර හැරීමේ චෝදනාවට ලක් වූ කතරගම පොලිස් ස්ථානයේ රාත්රී උප සේවයේ නිරතව සිටි පොලිස් කොස්තාපල්වරයෙකු වහාම ක්රියාත්මක වන පරිදි ඊයේ (03) දින සිට වැඩ තහනමකට ලක් කර තිබේ.
මෙලෙස වැඩ තහනමට ලක්ව ඇත්තේ කතරගම පොලිස් ස්ථානයට අනුයුක්තව රාජකාරියේ නිරතව සිටි මහියංගනය ,වෑගම, බිබිල පදිංචි 49 හැවිරිදී පොලිස් කොස්තාපල්වරයෙකි.
පසුගිය 02 දින කතරගම ගෝතමීගමදී හෙරොයින් මිලි ග්රෑම් 5360ක් සමග අත්අඩංගුවට පත් සැකකරුවෙකු අධිකරණයට ඉදිරිපත් කරන තෙක් පොලිස් සිර මැදිරියේ රඳවා තබා තිබේ .
එලෙස රඳවා තබා තිබූ සැකකරුට සිර මැදිරියේ දොර විවෘත කර ගනිමින් පැනයාමට අවස්ථාවේ සලසා දීමේ චෝදනා මත එදින රාත්රී උප සේවයේ නිරතව සිටි මෙම පොලිස් කොස්තාපල්වරයා වැඩ තහනමකට ලක් කර ඇත.
හම්බන්තොට සහකාර පොලිස් අධිකාරි අධිකාරි පී අරුණ ලාල් විසින් මෙම වැඩ තහනම සිදුකර තිබේ.
