ත්රස්තවාදය වැලැක්වීමේ පනත අහෝසි කිරීමේ ගැසට් නිවේදනය සැප්තැම්බර් මස මුල නිකුත් කිරීමට කටයුතු කරන බව විදේශ කටයුතු විදේශ රැකියා සහ සංචාරක අමාත්ය විජිත හේරත් පැවසුවේය.
ඔහු මේ බව සඳහන් කළේ සංහිඳයා යෝජනාවලියට අදාල පාර්ලිමේන්තු කල් තැබීමේ විවාදයට එක් වෙමිනි.
“ත්රස්තවාදය වැලැක්වීමේ පනත… ඒක මේ එක්සත් ජාතීන්ගේ මානව හිමිකම් කොමිසමෙන් කියනකම් ඉන්න දෙයක් නෙමෙයි. ඒක අපේ ප්රතිපත්ති ප්රකාශයෙන් පැහැදිලිව ප්රකාශ කරන දෙයක්. ත්රස්තවාදය වැලැක්වීමේ පනත අහෝසි කරනවා කියලා. “
“ඒකටත් අපි බලයට පත් වෙලා ටික කාලයක් තුළ විශේෂ කමිටුවක් පත් කළා. ජනාධිපති නීතිඥ රියන්සි අර්සකුලරත්න මැතිතුමාගේ මූලිකත්වයෙන්. ඒ කමිටුව අවස්ථා ගණනාවකදි රැස් වුනා. රැස් වෙලා අවශ්ය කරන සංශෝධනයන් දැන් සිද්ධ කරලා මේ මාසේ අග වෙනකොට අපි ඒක අවසන් කරලා සැප්තැම්බර් මුල වනවිට ත්රස්තවාදය වැලැක්වීමේ පනත ඒ කෙටුම්පතත් ගැසට් කරන්න අපි කටයුතු කරනවා.” ඇමතිවරයා පාර්ලිමේන්තුවට කීවේය.
එමෙන්ම එම විවාදයේ දී මහජන ආරක්ෂ ඇමති ආනන්ද විජේපාල සිය කතාව අතර විජිත හේරත් ඇමතිවරයා කළ ප්රකාශය තහවුරු කරමින් තවත් කරුණු ඉදිරිපත් කළේය.
“ත්රස්වාදය වැලැක්වීමේ පනත යටතේ පුද්ගලයින් රඳවා තබා ගන්නට කිසිදු දේශපාලන අභිලාෂයක් නෑ. නමුත් මේක නිතිය ඉදිරියේ ක්රියාත්මකවන පනතක්. අප ක්රියාත්මක වෙමින් පවතිනවා එය අවසන් කරන්න. මේ වනවිට සංශෝධන අවසන් වෙමින් තිබෙනවා. “
“සැප්තැම්බර් මාසයේ එය කැබිනට් එකට ඉදිරිපත් කර ත්රස්තවාදය වැලැක්විමේ පනත අහෝසි කරනවා. ඒ වෙනුවට ජාත්යාන්තර නෛතික ප්රමිතීන් සහිත හොඳ පනතක් රැකවරණය ලැබෙන පනතක් මේ පාර්ලිමේන්තුව හරහාම සම්මත කරගන්න කටයුතු කරනවා.”
