ජූනි 16 වනදා සිට බලාත්මක වන පරිදි ශ්රී ලංකාවේ සිටින හෝ නේවාසික පුද්ගලයෙකුට තම සන්තකයේ තබා ගත හැකි විදේශ ව්යවහාර මුදල් ප්රමාණය සීමා කිරීමට මහබැංකුව තීරණය කර තිබේ.
නිවේදනයක් නිකුත් කරමින් මහබැංකුව සඳහන් කරන්නේ මෙතෙක් සන්තකයේ තබා ගත හැකි තිබූ ඇමෙරිකානු ඩොලර් 15,000ක මුදල් ප්රමාණය ඩොලර් 10,000 දක්වා අඩු කර ඇති බවය.
ඊට වඩා වැඩි විදෙස් මුදලක් ළග තබා ගන්නේ නම් එය විදේශ ව්යවහාර මුදල් ගිණුමක තැන්පත් කිරීමට හෝ බලපත්රලාභී වානිජ බැංකුවකට විකිණීමට ජුනි 16 වනදා සිට, වැඩ කරන දින 14ක පොදු සමා කාලයක් ලබා දී තිබේ.
එම කාලයෙන් පසුව අදාළ නියමය උල්ලංඝනය කරන්නේ නම්, ඊට එරෙහිව පියවර ගත හැකි බවයි මහබැංකුව නිවේදනය කර ඇත.
මහබැංකුව අද නිකුත් කළ එම නිවේදනය පහත දැක්වේ.
මහජනතාව අත ඇති විදේශ ව්යවහාර මුදල් විධිමත් බැංකු පද්ධතියට ආකර්ෂණය කර ගැනීමේ අරමුණින් මුදල් අමාත්යවරයා විසින්, 2017 අංක 12 දරන විදේශ විනිමය පනතේ 8 වන වගන්තිය යටතේ නියමයන් පහත පරිදි නිකුත් කර ඇත.
- ශ්රී ලංකාවේ සිටින හෝ නේවාසික පුද්ගලයෙකුට තම සන්තකයේ රඳවා තබා ගත හැකි විදේශ ව්යවහාර මුදල් ප්රමාණය ඇ.එ.ජ. ඩොලර් 15,000 සිට ඇ.එ.ජ. ඩොලර් 10,000 හෝ ඊට සමාන වෙනත් විදේශ විනිමය ප්රමාණයක් දක්වා අඩු කිරීම.
- පහත සඳහන් දෑ සඳහා, ශ්රී ලංකාවේ සිටින හෝ නේවාසික පුද්ගලයන් සඳහා, නියමය බලාත්මක වන දිනයේ සිට (2022 ජූනි 16) වැඩ කරන දින 14 ක පොදු සමා කාලයක් ලබා දීම.
i.නියමයේ දක්වා ඇති පරිදි, පුද්ගලික විදේශ ව්යවහාර මුදල් ගිණුමකට හෝ ව්යාපාරික විදේශ ව්යවහාර මුදල් ගිණුමකට තැන්පත් කිරීමට හෝ
ii.බලයලත් වෙළෙන්දෙකුට (බලපත්රලාභී වාණිජ බැංකුවකට හෝ ජාතික ඉතිරි කිරීමේ බැංකුවට) විකිණිමට
එකී පොදු සමා කාලය අවසානයේ දී මෙම නියමය උල්ලංඝනය කරමින් තමා සන්තකයේ විදේශ ව්යවහාර මුදල් තබා ගන්නා පුද්ගලයන්ට එරෙහිව විදේශ විනිමය පනතේ විධිවිධාන ප්රකාරව ක්රියාමාර් ග ආරම්භ කිරීමේ අයිතිය ශ්රී ලංකා මහ බැංකුව සතුව පවතී.
වැඩිදුර තොරතුරු සඳහා;
(අ) ඕනෑම බලපත්රලාභී වාණිජ බැංකුවක් හෝ ජාතික ඉතිරි කිරීමේ බැංකුව සමඟ සම්බන්ධ වීමට
(ආ) විදේශ විනිමය දෙපාර්තමේන්තුවේ නිල වෙබ් අඩවිය වන www.dfe.lk මගින් විදේශ විනිමය පනතේ 8 වැනි වගන්තිය යටතේ වූ නියමයට 2022 ජූනි 16 දිනැති අංක 2284/34 දරන (අති විශෙෂ) ගැසට් නිවේදනය මගින් සිදු කරන ලද ඉහත සංශෝධනයන් පරිශීලනය කිරීමට,
(ඇ) [email protected] යන විද්යුත් තැපැල් ලිපිනයෙන් හෝ 011-2477255, 011-2398511 යන දුරකතන අංක මගින් විදේශ විනිමය දෙපාර්තමේන්තුව හා සම්බන්ධ වීමට හැකියාව ඇත.
