මෙවර ඇසළ මහා පෙරහරේ සධාතුක කරඬුව වැඩමවීම සඳහා ශ්රී දළදා මාලිගාවේ ඇත් පන්තිය නියෝජනය කරන ඉන්දිරාජාත්, බුරුම රාජා, කතරගම වාසනා, කැලණිය රජ මහා විහාරයේ ඇතා, මියන් රාජා ඇතුළු ඇතුන් හයදෙනකුත් යෝජනා කර ඇති බව දියවඩන නිලමේවරයා කීවේය.
දියවඩන නිලමේවරයා මේ බව ප්රකාශ කළේ මහනුවර ශ්රී දළදා මාලිගාවේ රන් ආයුධ මණ්ඩපයේදී අද (10) පැවති ඇසළ පෙරහැර මංගල්යයේ විශේෂ මාධ්ය හමුවට සහභාගි වෙමිනි.
එමෙන්ම දිවයිනේ වෙනත් විහාරස්ථාන හා දේවාලයන්හී පෙරහැර අවසන්වී ඇති බැවින් මෙවර ඇසළ පෙරහර මංගල්යය සඳහා අලි ඇතුන් වැඩි පිරිසක් සහභාගී කරවා ගත හැකි යැයි ද ඔහු පැවසුවේය.
ඇසළ පෙරහැර මංගල්යයේදී අලි ඇතුන්ට හිංසා කරන බවට ඇතැම් සංවිධාන විවිධ ප්රකාශයන් නිකුත් කළත් කිසිදු හිංසාවක් සිදු නොකරන බව කී දියවඩන නිලමේවරයා යදම් යොදා අලි ඇතුන් පෙරහරේ ගමන් කරවන්නේ හිංසා කිරීමේ අරමුණින් නොව පෙරහැර නැරඹීමට පැමිණෙන සැදැහැවතුන්ගේ ආරක්ෂාව සඳහා යැයි ද දියවඩන නිලමේවරයා පැහැදිලි කළේය..
ඇසළ පෙරහැර, දන්ත ධාතූන් වහන්සේ වෙනුවෙන් පවත්වන උත්තම පූජාවක් යැයි ද දියවඩන නිලමේ වරයා සිහි රටට සිහිපත් කළේය.
