සුනාමි එනවා සේම ආධාරත් සුනාමි වන බවත් කළමනාකරණයකින් තොරව සෞඛ්ය ක්ෂේත්රයට ලැබෙන ආධාර ප්රයෝජනයක් නොගෙන තැන තැන ගොඩගසා විනාශ වෙමින් යන ආකාරය සියලුම මාධ්යයට අවශ්ය නම් පෙන්විය හැකි බවත් සෞඛ්ය හා ජනමාධ්ය ඇමති වෛද්ය නලින්ද ජයතිස්ස පැවසුවේය.
අද කැබිනට් තීරණ දැනුම් දීමේ මාධ්ය සාකච්ඡාවට එක් වෙමින් ඔහු ප්රකාශ කළේ කෙනෙක් සද් භාවයෙන් ලබා දෙන ආධාරය අන්තිම සතය තෙක් ඵලදායී ලෙස කළමනාකරණය කිරීමේ රජයේ සැලසුම ඉදිරිපත් කිරීමේ දී එම අදහස විකෘතිකර ප්රචාරය කරමින් මඩ ගැසූ පිරිසටත් ඉදිරියේ මේ සිදුවන්නට සූදානම් වන්නේ කුමක් දැයි පැහැදිලි වනු ඇති බව කැබිනට් මාධ්ය ප්රකාශකවරයා පැවසුවේය.
ඔහු මේ බව පැවසුවේ දැන් ධානපතීන්ගේ ආධාර අවශ්ය නැද්ද?, භාණ්ඩාගාරයට සෞඛ්ය ක්ෂේත්රය ගොඩ දැමීම සඳහා අවශ්ය ප්රතිපාදන ඕනෑ තරම් තියනවා දැයි මාධ්යවේදියෙක් ඇසූ පැනයට පිළිතුරු ලබා දෙමිනි.
ඇමතිවරයා ඊට පිළිතුරු දෙමින් මෙසේ කීවේය.
“උදව් උවමනායි. මම කියන්නම් උදව් කරන්න උවමනා විදිහ ඉස්සහට. සෞඛ්ය අමාත්යාංශයට අයිති ප්රාථමික සෞඛ්ය ඒකක, ද්විතියික සහ තෘතියික සෞඛ්ය ඒකකවලට අවශ්යතාවය අනුව දැන් අප සලසන සේවාවව, අපට සපයන්න පුලුවන් කාර්ය මණ්ඩලය අනාගතයේ දී අපට ඒවා සංවර්ධනය කරන්න පුලුවන් ආකාරය කියන ඒ සියල්ලම සලකා බලලා හදලා තියනවා සැලැස්මක්. රෝහල් ඇතුළෙ සැලසුම් තියනවා. ජාතික මට්ටමේ සැලසුම් අපි සකස් කරමින් ඉන්නේ.”
“ඒ අනුව සියලු ධානපතියන්ට පරිත්යාගශීලීන්ට කිසිදු ප්රශ්නයක් නැතිව ඒ සැලැස්මට අනුව උදව් කරන්න පුලුවන්. පැත් ලැබ් එකක් උනත් දෙන්න පුලුවන්. සී.ටී. – එම්.ආර්.අයි නෙමෙයි, ඕනෑම එකක් දෙන්න පුලුවන්. ”
“ඒ සැලැස්මට අනුව ඔබ උදව් කරන්න. උදව් කරන්න පුලුවන් විදිහෙ අරමුදලත් අපි කියන්නම්. ඔබ ඉල්ලනවා නම් අහවල් රෝහලට ඔබට උදව් කරන්න ඕන කියලා ඒකටත් ක්රමය හදලා දෙන්නම්. ඒවා කිසිම ප්රශ්නයක් නෑ. රජයේ මුදල් වෙන්කරනවා වගේම මේ පරිත්යාගශීලීන් මාධ්ය ආයතන, හැමදෙනාම කරන උදව් අපි භාරගන්න සූදානම්.”
“සාමාන්යයෙන් සෞඛ්ය ගැන දන්න අය දන්නවා සුනාමිත් වෙනවා. ආධාරත් සුනාමි වෙනවා. මම ඔබට කියන්නම් ඒ ඒ තැන්වල ගොඩගහලා තියන ආධාර මාධ්යවේදීන්ට බලලා විකාශය කරන්නත් පුලුවන්. ”
“කවුරුහරි සද් භාවයෙන් ආධාරයක් ලබා දුන්නහම ඒක අන්තිම සතය දක්වා උපරිම ප්රයෝජනයක් වන ආකාරයට වියදම් කිරීම තමයි රජයක වගකීම. ඒවා නිස්කාරණයේ වියදම් කරන්න ගොඩගහන්න දෙන්න අපට උවමනාවක් නෑ. ඉතින් අපි ඒ අනුව කටයුතු කරනවා. මම කළ ප්රකාශය විකෘති කරලා පල කළ අයටත් ඒ ගැන විවේචනය කළ අයටත් අවස්ථාව තියනවා ඉදිරියේ දී රජය ඉදිරිපත් කරන සැලැස්ම අනුව ඔබට කැමති තැනක් තෝරා ගෙන ඒ සැලැස්මට අනුව උදව් කරන්න. ”
“ඒ සම්බන්ධව සෞඛ්ය අමාත්යාංශයෙන් ඔබට අදාල දැනුම්දීම කරන්නම්. “
