පාතාල කල්ලියක් විසින් යොදවනු ලැබූ ස්නයිපර් කරුවෙක් විසින් විපක්ෂ නායක සජිත් ප්රේමදාස ඝාතනය කිරීමට සැලසුමක් ඇති බවට ලැබී තිබුණ පැමිණිල්ල ව්යාජ එකක් බවත්, එය පුද්ගලයෙක් අපහසුතාවයට පත් කිරීමට සඳහා සැලසුම් කරන ලද බොරුවක් බව හෙළි වී ඇති බවත් මහජන ආරක්ෂක ඇමති ආනන්ද විජේපාල අද පාර්ලිමේන්තුවේ දී ප්රකාශ කළේය.
ඔහු ඒ පිලිබඳව මෙසේ ද පැවසුවේය.
24/08/23 මහජන ආරක්ෂක අමාත්යාංශයේ 117 හදිසි ඇමතුම් ඒකකයට පැමිණිල්ලක් ලැබුනා පාර්ලිමේන්තු මන්ත්රී ගරු සජිත් ප්රේමදාස මහතා ඉලක්ක කරගෙන ස්නයිපර් ප්රහාරයක් එල්ල කිරීමට පාතාල කල්ලි නායකයෙක්වන ලොකු පැටී නැමැත්තාගේ කණ්ඩායමේ හිතවතෙක් විසින් සැලසුම් කර ඇති බවට තොරතුරක් ලැබුණා.
ඒ පිළිබඳව විමර්ශනයක් සිදුකර තිබුණා. එහිදී පැමිණිලිකරුට ලබා දී ඇති සියලුම විස්තර අසත්ය බව හෙළි වුනා. මේ ප්රහාරය සිදුකිරීමට සැලසුම් කළ බවට ප්රකාශිත දුරකථන අංකය ඔස්සේ විමර්ශනය කරලා තියනවා. මේ තොරතුරේ කිසිදු සත්යතාවයක් නොමැති බවටත්, කිසියම් පුද්ගලයෙක් අපහසුතාවයට පත් කිරීම සඳහා ලබා දුන් තොරතුරක් බවටත් අනාවරණය වුනා.
මේ පිලිබඳ තව දුරටත් විමර්ශනයක් සිදුකරනවා.
මහජන ආරක්ෂක ඇමතිවරයා පැවසුවේය.
