විපක්ෂ නායකවරයා ඇතුළු විරෝධතාකරුවන්ට මාලිගාවත්තේ මාර්ග ඇතුළු කොළඹ මාර්ග කිහිපයක රථවාහන අවහිර කිරීම වළක්වමින් අධිකරණ නියෝගයක් නිකුත් කර තිබේ.
විපක්ෂ නායක සජිත් ප්රේමදාස, සමගි ජන බලවේගයේ ප්රධාන ලේකම් රංජිත් මද්දුමබණ්ඩාර මැද කොළඹ ප්රධාන සංවිධායක මුජිබර් රහුමාන්, මැද කොළඹ සංවිධායක අප්සරා අමරසිංහ, සමගි ජන බලවේග ක්රියාකාරී සමාජිකයින් සහ ක්රියාකාරී කාන්තා සංවිධාන ඇතුළු රැළියට සහභාගී වන සියලු සාමාජිකයින් වෙත කොළඹ අංක 04 මහේස්ත්රාත් එල්.මංජුල අද (30) මෙම අධිකරණ නියෝගයක් නිකුත් කරනු ලැබුවේය.
මාලිගාවත්ත මුස්ලිම් සුසාන භූමියෙන් ප්රදීපා මාවත, සද්ධර්ම මාවත, ජයන්ත විරසේකර මාවත, මිල්ටන් පෙරේරා මාවත සහ ජුම්මා හන්දිය හරහා සංඝරාජ මාවතේ කටයුතු අවහිර කිරීම මෙම අධිකරණ නියෝගයෙන් තහනම් කර ඇත.
රටේ ප්රධාන විපක්ෂය වන සමගි ජන බලවේගය අද (30) කොළඹදී සැලකිය යුතු විරෝධතාවයක් සඳහා සූදානම් වේ.
ශ්රී ලාංකීය ජනතාව මුහුණ දෙන දැවෙන ප්රශ්නවලට විසඳුම් සෙවීම සඳහා රජයට බලපෑම් කිරීම පක්ෂයේ අරමුණ වී ඇති බව සඳහන්ය.
කොළඹ හයිඩ් පිටිය සහ පංචිකාවත්ත යන ස්ථාන දෙකකින් පස්වරු 1.30 ට විරෝධතාව ආරම්භ කරන බව සමගි ජන බලවේගයේ ප්රධාන ලේකම් සහ පාර්ලිමේන්තු මන්ත්රී රංජිත් මද්දුම බණ්ඩාර නිවේදනය කළේය.
නිශ්චිත ගමනාන්තය තහවුරු කිරීමට ඉතිරිව තිබුණද, කණ්ඩායම් දෙක නගරයේ ප්රමුඛ ස්ථානයකට එක්වනු ඇතැයි අපේක්ෂා කෙරේ.
