ලෝක සිනමා වංශ කතාවේ එක් යුගයක් ජීවමාන කළ විශිෂ්ඨයෙක් නික්ම ගියේය. ඔහු සුප්රකට ජෙම්ස් බොන්ඩ් චරිය රූපණය කළ අසීමිත ප්රේක්ෂක ගෞරව බහුමානයට ලක් වූ ෂොන් කොනරිය.
ඔහුගේ පුත් සිනමා නළු ජේසන් පැවසුවේ “කලක් අසනීපව සිටි” ඔහු බහමාස් සිටිය දී නින්ද අතරතුර සාමකාමීව මිය ගිය බවයි.
ෂොන් කොනරි මිය යන විට 90 හැවිරිදි වියේ පසුවූයේය.
ස්කොට්ලන්ත ජාතිකයෙක් වූ ෂෝන් Agent 007, “The Hunt for Red October,”“Indiana Jones,“ Last Crusade at the Rock“ සිනමා කෘතිවල විශිෂ්ට රංගන ප්රභාවක් ප්රකට කළේය.|
කොනරි උපදින්නේ වර්ෂ 1930 දීය. කුඩාකල හැදී වැඩෙන්නේ එවකට කටුක ජීවිතයක් ගෙවමින් සිටි මිනිසුන් සහිත, එඩින්බරෝ හි ෆවුන්ටන්බ්රිජ් ප්රදේශයේය.
14 වියේදී පාසලෙන් සමුගන්නා ෂොන් සමූපකාරයේ කිරි වෙළෙන්දෙක් ලෙස ස්වකීය ජීවිතය පටන් ගත්තේය. අනතුරුව වර්ෂ 1848 දී ඔහු රාජකීය නාවික හමුදාවට බැඳුනේය. අනතුරුව ෂෝන් වෛද්ය හේතු මත නාවික හමුදාවෙන් ඉවත් වී ගියේය. අනතුරුව ජීවත් වීම සඳහා විවිධ රැකියාවන්වල නිරතවූ ෂොන් කායවර්ධනය සඳහා අවුරුදු 18දී යොමුවිය. ඔහු සිනමාවට ප්රවේශ වන්නේ මේ වකවානුවේය.
එතැන් සිට දීර්ඝ සිනමා චාරිකාවක් අරඹන ෂොන් අද සිය දිවිසැරිය නිමා කළේය.
