ලලිත් චාමින්ද
-
සමහර ප්රසම්පාදන සිද්ධ වෙලා තියෙන්නේ හිතා ගන්නත් බැරි විදිහට… රුපියල් 760ක් වියදම් කරළ බව පෙන්වූ ඖෂධයක් ලංකාවට ගෙන්වූ මිල ගණන් වරායෙන් පරීක්ෂා කරද්දි රුපියල් 14යි…. විගණනය කියයි!
මුදල් වැඩි වශයෙන් අවභාවිතා වන්නේ තාක්ෂණික ප්රසම්පාදනයේ දී බවත් 2022 වර්ෂයේ දි වෛද්ය සැපයුම් සඳහා රුපියල් බිලියන 130ක් වැයකළේ නම් ඉන් රුපියල් බිලියන 40ක් වැඩිපුර වියදම් කොට ඇති බවත් අනාවරණය වන්නේ යැයි සෞඛ්ය අමාත්යංශයේ වෛද්ය සැපයුම් හා ඒ ආශ්රිත කරුණු පිළිබදව ගැටලු විමර්ශනය කිරිම සඳහා වු රජයේ ගිණුම් පිළිබද අනුකාරක සභා රැස්විමේ දී අනාවරණය විය.
ප්රසම්පාදන ක්රියාවලිය සාර්ථකව ක්රියාත්මක නොවීම නිසා රජයේ වියදම බරපතල ලෙස වැඩිවිමක් දක්නට ඇති බවට ජාතික විගණන කාර්යාලය මගින් හඳුනාගෙන ඇති බව මෙහිදි විගණන නිලධාරිහු සඳහන් කළහ.
අනිකුත් කෂේත්රවලට වඩා සෞඛ්ය ක්ෂේත්රය තුළ ප්රසම්පාදන කටයුතු සම්බන්ධයෙන් තිබෙන අවදානම වැඩි බවත් වෛද්ය සැපයුම් පිළිබඳ බරපතල සැකකටයුතු බවක් සිදුකරණ ලැබු පරික්ෂණවලදී නිරික්ෂණය වි ඇති බවත් විගණන නිලධාරිහු පවසති.
ඖෂධ සම්බන්දයෙන් සිදුවන දුෂණ හා වංචාවන් වැඩි බවත් වෛද්ය සැපයුම්වලදී විශ්වාස කිරීමට පවා නොහැකි ප්රසම්පාදන කටයුතු සිදුවි ඇති බව පෙන්වා දුන් විගණන නිලධාරිහු ඇතැම් ඖෂධ මිලදී ගෙන ඇත්තේ පවතින මිලට වඩා පස් ගුණයක පමණ වැඩිමිලකට බවද මෙහිදි සඳහන් කළහ. රුපියල් 100ක මුදලකට මිලදී ගත හැකි ඖෂධයක් රුපියල් 500ක මිලකට මිලදීගන්නා බව විගණන නිලධාරිහු මෙහිදි පැවසුහ.
2022 වර්ෂයේ රුපියල් 760 ක මුදලක් ගෙවා මිලදි ගනු ලැබු ඖෂධයක් රේගුව හරහා පරික්ෂා කිරීමේ දි එම ඖෂධයේ මිල රුපියල් 14ක් බව සඳහන් කළ විගණන නිලධාරිහු ප්රසම්පාදන ක්රියාවලිය පොත්පත්වල සඳහන් කොට ලිපිගොනු සකස් කළද ප්රායෝගිකව සිදුවි ඇත්තේ වෙනස් දෙයක් බවද මෙහිදී සදහන් කළහ.
ප්රසම්පාදන කටයුතුවලදි නියම තරගකාරිත්වයක් සිදුනොවන බවත් අවම මිල, ගුණාත්මකභාවය, සැමට සාධාරණ ලෙස තරග කිරීමේ අයිතිය ඇහිරි ඇති බවත් සදහන් කළ විගණන නිලධාරිහු ප්රසම්පාදන කටයුතු වලදී නිලධාරින් හා සැපයුම්කරුවන් එකාබද්ධව සංවිධානය වි එම කටයුතු සදහා සම්බන්දවන බවද මෙහදි විගණන නිලධාරිහු පෙන්වා දුන්හ.
ප්රසම්පාදන ක්රියාවලිය නිසා රාජ්යතන්ත්රය වෙලාගෙන තිබෙන ව්යසනය වලක්වා ගැනිම සදහා වෙනස් විකල්ප ක්රමයක් පිළිබද සිතිමට සිදුවන බවද මෙහිදි විගණන නිලධාරිහු පෙන්වා දුන්හ.
