රජයේ වෛද්ය නිලධාරීන්ගේ සංගමයේ ඉහළ තනතුරක් දැරූ වාද්දූව පැත්තේ පදිංචි හිටපු වෛද්යවරයෙකු ප්රජා වෛද්ය විශේෂඥවරයෙක් ලෙස විදේශ පුහුණු ලබා මෙරටට පැමිණ දුෂ්කර සේවයට නොයා කලුතර ප්රාදේශිය සෞඛ්ය සේවා අධ්යක්ෂ තනතුර ඉල්ලා සිටින බව වාර්තාවේ.
මැරයෙක් සේ හැසිරීම සම්බන්ධව කුප්රකට ඉතිහාසයක් සහිත මේ වෛද්යවරයා සෞඛ්ය අමාත්යංශයේ නියෝජ්ය සෞඛ්ය සේවා අධ්යක්ෂ ජනරාල් වරයෙකු ලවා මෙම පත්වීම් ලබා ගැනීමට මේ දිනවල දැඩි වෙහෙසක් ගන්නා බව සෞඛ්ය අමාත්යංශය ආරංචි මාර්ග සඳහන් කරයි.
සුදුසුකම් සපුරා සිටින පරිපාලන සේවයේ වෛද්යවරුන් සිටියදී ප්රජා වෛද්ය විශේෂඥයෙකුට මෙම තනතුරු දීම සම්බන්ධයෙන් මේ වන විට සෞඛ්ය අමාත්යංශය තුළින්ම දැඩි විරෝධයක් නියෝජ්ය සෞඛ්ය සේවා අධ්යක්ෂ ජනරාල්වරයාට එල්ලවෙමින් තිබෙන බවද වාර්තාවේ.
මේ අතර විදේශ පුහුණුව නිමකර මෙරටට පැමිණි විශේෂඥ වෛද්යවරුන් දුෂ්කර සේවයට යොමුවන අතර මොහු කලුතර වැනි ප්රදේශයක ප්රාදේශීය සෞඛ්ය සේවා අධ්යක්ෂ තනතුර ඉල්ලා සිටීම පිලිබඳව මවිතය පලකර ඇතැයිද වාර්තාවේ.
කෙසේ නමුත් මෙම පත්වීම සම්බන්ධයෙන් විරෝධයක් නොදක්වන බවට රජයේ වෛද්ය නිලධාරීන්ගේ සංගමයෙන්ද ලිඛිත අවසරයක් ලබා ගෙන ඇති බවද වාර්තාවේ.
