ශ්රියානි විජේසිංහ –
ඔක්තෝම්බර් 01 වනදා සිට සියයට 33කින් අඩුකිරීමට තිබු විදුලි බිල දෙසැම්බර් 01 වදා සිට හෝ අඩුකර මහජනතාවට එම සහනය ලබා දීම වහාම කටයුතු කරන්නැයි සමඟි ඒකාබද්ධ වෘත්තිය සමිති සන්ධානයේ කැඳවුම්කරු ආනන්ද පාලිත රජයෙන් ඉල්ලා සිටියි.
මේ සම්බන්ධයෙන් අවශ්ය සියලුම ලියකියවිලි ජනාධිපති අධ්යක්ෂ ජනරාල්වරයා සහ ජනාධිපති කාර්ය මණ් ඩල ප්රධානීන්ට ඊයේ (6) දිනයේදී භාරදුන් බවත් මෙම ලිපි ලේඛණ ජනාධිපතිවරයාට භාර දීමට කටයුතු කරන්න බවත් අධ්යක්ෂ ජනරාල්වරයා පැවසු බවත් ආනන්ද පාලිත ලංකාසර වෙත පැවසුවේය.
විදුලිබල සේවකයින්ට දෙසැම්බර් 10වනදාට ප්රථම ප්රසාද දීමනාවන් ලබා දෙන්නැයි ලංකා විදුලි සේවක සංගමයේ ප්රධාන ලේකම් රංජන් ජයලාල් කරන ලද ඉල්ලිමට තමන් විරුද්ධ නොමැති බවත් එම ඉල්ලීම් ලබා දීමට පෙර 68 ලක්ෂයක ජනතා බලාපොරොත්තුවවන විදුලිබිල අඩුකිරිමේ සහනය ජනතාවට ලබා දිය යුතු බවත් හෙතෙම පෙන්වාදේ.
ලංකා විදුලි පොදු සේවක සංගමයේ සභාපති රංජන් ජයලාල් පවසන පරිදි විදුලබ මණ්ඩලය මේ වන විට අධික ලාභ ලබන ආයතනයක් බවත් වසර 2023දී බිලියන 62ක් ලාභ ලබා ඇති අතර මේ වන විට එය බිලියන 142ක් දක්වා පෙන්නුම් කරන බවද ආනන්ද පවසා සිටියි.
ජනාධිපතිවරයා ජනාධිපති වීමට පෙරත් වූ පසුවත් සඳහන් කර ඇත්තේ රුපියල් 3000 විදුලි බිලෙන් 1000ක් අඩුකරන අතර 6000 බිලෙන් 3000ක් අඩුකරන බවත්ය. මේ අනුව 68 ලක්ෂකයක ගේ පාරිභෝගික අයිතියත් ලක්ෂ 4ක් වන පෞද්ගලික කර්මාන්ත හිමියන්ගේ අයිතියත් වහාම තහවුරු කරන්නැයිද ඒ සඳහා ලිිපි ලේඛණ සාක්ෂි සහිතව ජනාධිපති අධ්යක්ෂ ජනරාල්වරයාට බාරදු බවද ආනන්ද පැවසුවේය.
විදුලිබිල අඩුකීරීම සම්බන්ධයෙන් විෂභාර ඇමතිවරයා සහ අධ්යක්ෂ ජනරාල් වරයා සමඟ සාකච්ඡාව ලබන සදුදා පැවැත්වෙන් බවද හෙතෙම වැඩිදුරටත් පැවසුවේය.
