-
ලංවිම සභාපති වෙනකම් ලංවිමට උපදේශන සේවා සපයමින් මුදල් ඉපයූ තමන්ගේ කොම්පැණිය ලෝක බැංකු ආධාර ලබන පුත්තලම සුළං විදුළි බලාගාරයේ ශක්යතා අධ්යයන ව්යාපෘතියේ දේශීය නියෝජිතයා ලෙස යොදාගෙන…
ලංකාවේ ප්රමුඛතම රාජ්ය ව්යවසායවන ලංකා විදුලි බල මණ්ඩලයේ සභාපති ආචාර්ය තිලක් සියඹලාපිටිය තමන්ගේ හිමිකාරිත්වය යටතේ පැවති ආර්.එම්.ඒ. එනජි පුද්ගලික සමාගම පුත්තලම සුළං විදුලි බලාගාරයක් ඉදිකිරීම සඳහා ලෝක බැංකු ආධාර යටතේ දියත් කර ඇති ශක්යතා අධ්යයන ව්යාපෘතිය වෙනුවෙන් ලංකාවේ නියෝජිත ආයතනය ලෙස යොදාගෙන ඇති බව හෙළිදරවු වී තිබේ.
විශේෂත්වය වන්නේ ආචාර්ය තිලක් සියඹලාපිටිය විදුලි බල මණ්ඩලයේ සභාපතිවරයා ලෙස ඉකුත් දෙසැම්බර් මස පත්වන තුරු ආර්.එම්.ඒ එනජි පුද්ගලික සමාගමේ හිමිකාරිත්වය දැරීමත් එම සමාගම හරහා කාලාන්තරයක් තිස්සේ විදුලි බල මණ්ඩලයට උපදෙස් සපයමින් මුදල් ඉපැයීම සිදුකර තිබීමත්ය.
මේ සම්බන්ධව දීර්ඝ හෙළිදරව්වක් කරන සිරස ටී.වී ආයතනය ස්වකීය විමර්ශන වැඩසටහන ඔස්සේ ලිඛිත සාධක සහිතව පෙන්වා දෙනු ලැබුවේ තිලක් සියඹලාපිටිය විදුලි බල මණ්ඩලයේ සභාපති ධූරය දරන අතරම ස්වකීය පුද්ගලික ව්යාපාරික ආයතනය යොදාගෙන අමතරව මුදල් උපයන අලජ්ජී පිළිවෙතක් අනුගමනය කරන බවය.
වාර්තාවන ආකාරයට තොරතුරු මෙසේය.
මන්නාරම සහ පුත්තලමට සමීප මුහුදේ සුළං විදුලි ව්යාපෘති ආරම්භය සඳහා වූ පූර්ව ශඛ්යතා අධ්යයනයක් කර ඇගයීම් වාර්තාවක් ඉදිරිපත් කිරීම සඳහා වූ වැඩමුලුවක් පිළිබඳව දන්වමින් විදුලි බල සහ බලශක්ති අමාත්යාංශය ඉකුත් 05දා දාතමින් ලියවිල්ලක් නිකුත් කර තිබිණි.
ලෝක බැංකුවේ මූල්යාධාර යටතේ අදියර දෙකකින් පවත්වා තිබූ මෙම වැඩමුළුවේ මුල් අදියර ඉකුත් වසරේ මාර්තුවල පවත්වා ඇත. දෙවැනි අදියර ඉකුත් බ්රහස්පතින්දා පවත්වා තිබිණි.
එම අධාර යොදාගෙන අධ්යයනය සිදුකිරීම සඳහා ලංකා විදුලිබ මණ්ඩලය විසින් තෝරාගෙන ඇත්තේ නෙදර්ලන්තය සහ මෙරට සමාගමකි. මෙරට සමාගම ආර්.එම්.ඒ පුද්ගලික සමාගය.
එය කාලාන්තරයක් තිස්සේ ලංකා විදුලිබල මණ්ලඩයට උපදේශන සේවා සපයා මුදල් ඉපයූ ආයතනයකි. තොරතුරු විමසීමේ දී හෙළිදරවු වන්නේ ආචාර්ය තිලක් සියඹලාපිටිය ඉකුත් දෙසැම්බර් මාසයේ ලංකා විදුලිබල මණ්ඩලයේ සභාපති ධූරයට පත් වන තෙක් මෙම සමාගමේ හිමිකරු ලෙස කටයුතු කර ඇති බවය.
එනම් ඔහු විදුලිබල මණ්ඩල සභාපති ධූරයට පත් වන්නේ මණ්ඩලයට සේවා සපයමින් මුදල් උපයමින් සිටින අතරය. අනතුරුව ඔහු විසින් විදුලි බල මණ්ඩලයේ ව්යාපෘති සඳහා දේශීය නියෝජිත ආයතනය ලෙස තමන්ගේ පුද්ගලික ආයතනයක් යොදවා ගෙන තිබීම පිළිබඳව මේ වනවිට දැඩි ප්රශ්න කිරීමකට ලක් වී තිබේ.
