ව්යාජ අංක සහිත සුඛෝපභෝගි මෝටර් රථයක් පදවාගෙන යමින් සිටි වෛද්යවරියක් මහනුවර පොලීසිය විසින් අත් අඩංගුවට ගෙන තිබේ.
පොලිස් හදිසි ඇමැතුම් අංශයට ලද දුරකතන ඇමතුමකට අනුව මහනුවර පොලිසියේ කොට්ඨාස අපරාධ විමර්ශන අංශය මහනුවර වාරියපොළ සුමංගල මාවතේ දී සිදුකළ හදිසි සෝදිසි කිරීමකදී මෙම අත් අඩංගුවට ගැනීම සිදුකර තිබිණි.
අත් අඩංගුවට ගනු ලැබූ මෙම වාහනය පවතින්නේ වෛද්යවරියගේ සැමියාගේ හිමිකාරිත්වය යටතේ බවත් වාහනයේ අංක තහඩු ඇයගේ සැමියාගේ සහෝදරයාට අයත් මෝටර් රථයක අංක තහඩු බවත් විමර්ශන අංශ මේ වනවිට අනාවරණය කරගෙන ඇත. අත්අඩංගුවට ගත් වෛද්යවරිය අධිකරණයට ඉදිරිපත් කිරීමට නියමිතය.
අදාළ වෛද්යවරිය පේරාදෙණියේ පිහිටි ප්රධාන රෝහලක සේවය කරන අතර සිද්ධිය සම්බන්ධයෙන් මහනුවර කොට්ඨාස භාර ජ්යෙෂ්ඨ පොලිස් අධිකාරි අනුරුද්ධ හක්මනගේ උපදෙස් මත කොට්ඨාස අපරාධ විමාර්ශන අංශයේ ස්ථානාධිපති ප්රධාන පොලිස් පරීක්ෂක තිලක් සමරනායකගේ මෙහෙයවීමෙන් පොලිස් පරීක්ෂක වීරරත්න ඇතුළු කණ්ඩායමක් පරීක්ෂණ පවත්වති.
