වර්ජනය අවසන් කර සාකච්ඡාවකට පැමිණෙන්නැයි තැපැල්පති රුවන් සත්කුමාර වර්ජනයේ නියත තැපැල් වෘත්තීය සමිතිවලින් ඉල්ලා සිටී.
තැපැල් වෘත්තීය සමිති වැඩ වර්ජනයක් ආරම්භ කළේ අතිකාල දීමනා නිසි ලෙස නොගෙවීම සහ සේවක පුරප්පාඩුවලට විසඳීම් ලබා දීම ඇතුළු ඉල්ලීම් 19ක් මුල් කර ගනිමිනි.
ඒකාබද්ධ තැපැල් වෘත්තීය සමිති එකමුතුව සහ තැපැල් සහ විදුලි සංදේශ නිලධාරීන්ගේ සංගමය විසින් ආරම්භ කළ මෙම වර්ජනයට අනුව ඊයේ රාත්රියේ සිට රටේ සියලුම තැපැල් ස්ථානවල අකර්මණ්ය කරමිනි. මධ්යම තැපැල් හුවමාරුවේ සේවකයෝ සිය වර්ජනය ඊයේ පස්වරු 4ට ආරම්භ කළහ. මේ වර්ජනය ගැන තැපැල්පතිවරයා කීවේ මේ වනවිට වර්ජකයින් ඉල්ලා ඇති ඉල්ලීම් 19න් 17ක්ම ලලබා දී තිබෙද්දී ඇඟිලි සලකුණු යන්ත්රය පිහිටුවීම, අතිකාල දීමනා ගෙවීමේ රජයේ ක්රමවේදය ඇතුළු රාජ්ය ප්රතිපත්ති අභියෝගයට ලක් කරමින් වර්ජකයින් මේ අසාධාරණ වර්ජනය දියත් කර ඇති බවය.
තැපැල්පතිවරයා මෙසේ පැවසුවේය.
“සාකච්ඡා ගිය සතියෙත් කළා. සාකච්ඡාවල එකඟතාවයන් බිඳ වැටීම තමයි ප්රශ්නය. සාකච්ඡා කරන්න පුලුවන්. හැබැයි වැඩ වර්ජනය නරතර කරලා සාකච්ඡාවකට එන්න කියන එක තමයි අපේ ස්ථාවරය. ඇමතිතුමා එක්කත් සාකච්ඡා කරන්න පුලුවන්. නමුත් වැඩ වර්ජනයක් තියෙද්දි සාකච්ඡා කරලා තේරුමක් නෑ.
අවාසනා වශයෙන් ආයතන අධ්යක්ෂවරු එක්ක කතා කළා. ඒකෙදි අපි එකඟතාවයකට ආවා. එකඟතාවයට අනුව කටයුතු නොකිරීමයි ගැටලුව. විශේෂයෙන්ම ෆින්ගර් ප්රින්ට් එකේ පැමිණීම පිටවීම සලකුණු නොකිරීම වැනි කාරණා තියනවා. ඒවා රජයේ ප්රතිපත්ති. අපිට මෙතනේට යන්න වෙනවා.
උදාහරණයක් විදිහට මම කියන්නම් තැපැල් දෙපාර්තමේන්තුවෙන් අපි හොයන ආදායමට වඩා යනවා මේකෙ අතිකාල සහ වැටුප්වලට. ඉතින් අපටත් වගකීමක් තියනවා මෙන්න මේවා ටික සකස් කරගන්න. මොකද රුපියල් බිලියන 4ක විතර පාඩුවක් එක්ක තැපැල් දෙපාර්තමේන්තුව යන්නේ. මේ අතිකාල සහ වැටුප් වැඩිවීමක් එක්ක පාඩුව බිලියන 10 -12 ඉක්මවන අවදානමක් තියෙන්නෙ.
වැඩ වර්ජනයක් දවසක් කළොත් පාඩුව අපට ගණන් කරන්න පුලුවන්. නමුත් ඒක දීරඝ කාලීනවන පාඩුව ගණනය කරන්න බෑ. වැඩ වර්ජනයක් කියන්නේ අපි බැරිම තැන කරන්න ඕන දෙයක්. සාකච්ඡා කරලා විසඳගන්න පුලුවන් කාරණා ගණනාවක් මෙතන තියෙන්නේ. මෙයාල ඉල්ලීම් කරන ඉල්ලීම් 19න් 17ක් විතරම අපි ඉෂ්ට කරලා ඉවරයි. සාකච්ඡා කරලා තීරණ අරන් අනුමැතීන් අරන් කටයුතු කරලා තියෙන්නේ.
අපිට තියෙන්නේ ෆින්ගර් ප්රින්ට් එකේ ඇඟිලි සලකුණු තැබීම, අතිකාල සම්බන්ධ රජයේ ප්රතිපත්තිය ගෙවීම් කිරීමේ දී සිස්ටම් එකට අනුගතවීමට සිදුවීම… මේවා රජයේ ප්රතිපත්ති. ඒ ප්රතිපත්තිවලට අපිට අභියෝග කරන්න පුලුවන්ද?.
වෘත්තීය සමිති නායකයින්ටත් වගකීමක් තියනවා දෙපාර්තමේන්තුවේ අභිවෘද්ධිය අංක 1ට තියලා කටයුතු කරන්න….”
