සූරියවැව නුවන් ජයසේරක –
වගා කිරීමට පොහොර නැති බව කියමින් ගංජා වගා කළ සැකකරුවන් දෙදෙනෙක් අද (15) අලුයම පොලිස් අත්අංඩගුවට පත් වී තිබේ.
මෙසේ අත්අඩංගුවට ගෙන ඇත්තේ මත්තල පොලිස් වසමට අයත් වැවේගම වැව අසල පිහිටි කැලය තුළ අක්කර භාගයක හා අක්කර කාලක ගංජා හේන් දෙකක් පවත්වාගෙන ගිය සැකකරුවන් දෙදෙනෙකි.
මත්තල පොලිස් බළ ප්රදේශයට අයත් වැවේගම වැව ආසන්න කැළය තුළ අක්කර භාගයක ගංජා හේනක් පවත්වාගෙන යන බවට මත්තල පොලිස් විශේෂ කාර්යංශයේ නිළධාරීන්ට ලද තොරතුරකට අනුව මත්තල පොලිස් ස්ථානාධිපති වරයා ඇතුළු නිළධාරින් කණ්ඩායමක් විසින් සිදුකල වැටලීමකදි අක්කර භාගයක පමණ කොටසක වගා කර තිබූ අඩි 8ක් පමණ උස ගංජා ගස්1463ක් සමග සූරියවැව පදිංචි 46 හැවිරිදි පුද්ගලයෙකු අත්අඩංගුවට ගෙන තිබේ.
අත්අඩංගුවට පත් පුද්ගලයාගෙන් සිදුකල ප්රශ්න කිරීමේදි ලද තොරතුරකට අනුව ඒ ආසන්නයේම තිබී තවත් ගංජා ගස් 732ක් සමග අක්කර කාලක පමණ ගංජා හේනක් පවත්වාගෙන ගිය ඇඹිළිපිටිය ප්රදේශයේ පදිංචි 38 හැවිරිදි පුද්ගලයෙකු අත්අඩංගුවට ගෙන ඇත.
අත්අඩංගුවට පත් සැකකරුවන්ගෙන් සිදුකළ පොලිස් ප්රශ්ණ කිරීමේදි සැකකරුවන් පැවසුවේ වගා කිරීමට පොහොර නැති නිසා ගංජා හේනක් සකස් කල බවයි.
අත්අඩංගුවට පත් සැකකරුවන් දෙදෙනා හම්බන්තොට මහේස්ත්රාත් අධිකරණයට ඉදිරිපත් කිරිමට නියමිතය. අත්අඩංගුවට පත් ගංජා අධිකරණයට ඉදිරිපත් කිරීමට සාම්පල ලබා ගැනීමෙන් පසු ගිණි තබා විනාශ කරන ලදි.
තංගල්ල කොට්ඨාශභාර පොලිස් අධිකාරී රවින්ද්ර අඹේපිටිය,සහකාර පොලිස් අධිකාරී පෙරේරා යන මහත්වරුන්ගේ උපදෙස් පරිදි මත්තල පොලිස් ස්ථානයේ පොලිස් ස්ථානාධිපති පොලිස් පිරික්ෂක ප්රසාද් බංඩාර,උප පොලිස් පරික්ෂක පාලිත,පොලිස් සැරයන් වරුන් වන (44056)ඉදුනිල්,(41861)සරත්,පොලිස් කොස්තාපල් වරුන් වන (83146)මදුෂංක,(92352)ලහිරු ඇතුළු නිළධාරි කණ්ඩායමක් විසින් වැටලීම සිදුකර සැකකරුවන් අත්අඩංගුවට ගෙන ඇත.
