දක්ෂතාවෙන් හා සාර්ථකත්වයෙන් පරිපූර්ණ හෙද හෙදියන් බිහි කිරීම මූලික අරමුණ කර ගත් ලංකා හොස්පිටල්ස් හෙද විදුහලේ පළමු උපාධි ප්රදානෝත්සවය පසුගියදා උත්කර්ෂවත් ලෙස පැවැත්විණි. හෙද විදුහලේ සාමාන්ය පුහුණු පාඨමාලාව සාර්ථකව නිම කළ 2018 කණ්ඩායම සඳහා මෙම උපාධි ප්රදානෝත්සවය පැවැත්විණි. ජාතික වෘත්තීය සුදුසුකම් 6 වැනි මට්ටමේ උසස් ජාතික ඩිප්ලෝමා සහතිකය (NVQ Level 06″ Higher National Diploma) පිරිනමන මෙරට ප්රථම හෙද විදුහල වන්නේ ලංකා හොස්පිටල්ස් හෙද විදුහලයි. මෙම අවස්ථාවේදීම ලංකා හොස්පිටල්ස් හෙද විද්යාලයේ 2020 කණ්ඩායමේ හිස්වැසුම් පැළැඳවීමේ උත්සවයද පැවැත්විණි. එම කණ්ඩායම හෙද පුහුණුව සඳහා NVQ Level 06 සහතික පත් විභාගයට මුහුණ දෙන පළමු කණ්ඩායම වනු ඇත.
සෑම වසරකම හෙද සිසු සිසුවියෝ 60ක් පමණ ලංකා හොස්පිටල්ස් හෙද විදුහලේ ඉගැනුම ලබති. එහි සියලු දේශන ඉංග්රීසි මාධ්යයෙන් පවත්වන්නේ සිසුන්ගේ දැනුමේ නිම් වළලු පුළුල් කිරීමේ අරමුණෙන්ය. ලංකා හොස්පිටල්ස් හෙද විදුහලේදී සිසු සිසුවියන්ට උසස් ප්රමිතියකින් යුතු පුහුණුවක් දෙන අතර එහිදී රෝහලකදී මුහුණ දෙන අවස්ථා රැසකට සායනික පසුබිමකදී මුහුණ දීමට අවස්ථාව උදා කර දෙයි. ”දිවයිනේ ප්රමුඛ පෞද්ගලික රෝහලක් ලෙස උසස් පුහුණුවක් ලැබූ හෙද හෙදියන් බිහි කිරීමට අප විශාල කාර්යක් සිදු කරනවා. අප හෙද විදුහලේදී හෙද සිසු සිසුවියන් සෞඛ්ය සේවා වෘත්තිකයන් බවට පත් කරනවා. ඒ හරහා ඔවුන්ට දෙස් විදෙස් රැකියාවලට පහසුවෙන් යොමු වීමේ අවස්ථාව උදා වෙනවා.” ලංකා හොස්පිටල්ස්හි වෛද්ය සේවා අධ්යක්ෂ සහ නියෝජ්ය ප්රධාන විධායක නිලධාරී වෛද්ය ලසන්ත කරුණාසේකර මහතා පැවසීය. ලංකා හොස්පිටල්ස් හෙද විදුහල පිරිනමන NVQ Level 06 සහතිකය ජාතික ආධුනිකත්ව සහ කාර්මික පුහුණු කිරීම් අධිකාරියේ (NAITA) සහ තෘතියික හා වෘත්තීය අධ්යාපන කොමිෂන් සභාවේ (TVEC) අනුමැතිය සහිතය. එනිසා පාඨමාලාව අවසානයේදී සිසුන්ට ලොව පිලිගත් TVEC NVQ Level 06 හෙද අධ්යාපනය පිළිබඳ උසස් ජාතික ඩිප්ලෝමාවද ලැබේ.
