දිනසේන රතුගමගේ –
රිය අනතුරකින් බරපතල තුවාල සහිතව යාපනය ශික්ෂණ රෝහලේ ප්රතිකාර ලබන ජාතික ජන බලවේගයේ යාපනය දිස්ත්රික් පාර්ලිමේන්තු මන්ත්රී කේ.ඉලංකුමරන්ගේ සුවදුක් විමසීමට අගමැතිනී ආචාර්ය හරිනී අමරසූරිය ඊයේ ( 15) පැමිණියා ය. අගමැතිවරිය මේ දිනවල උතුරේ සංචාරයක නිරතවෙමින් සිටින්නීය.
මන්ත්රීවරයා ගමන් කළ මෝටර් රථය කුඩා ලොරියක ගැටීම නිසා බරපතල තුවාල ලැබූ මන්ත්රීවරයා ඊයේ යාපනය ශීක්ෂණ රෝහලට ඇතුළත් කෙරිනි. ඔහු සිය මෝටර් රථයෙන් කිළිනොච්ච්යේ සිට යාපනය බලා යමින් සිටියදී කුඩා ලොරියේ ගැටී අනතුර සිදුවන්නේ චාවාකච්චේරී ප්රදේශයේදීය.
ඒ අවස්ථාවේදී මන්ත්රීවරයාගේ රථය පෙරළී ගොස් මන්ත්රීවරයා හා රියදුරා තුවාල ලබා ඇති අතර ඔහු රෝහල් ගත කරණවිට සිහිසුන්ව දැඩි අසාධ්ය තත්ත්වයෙන් සිටියේය. මේ වන විට ඔහු ස්ථාවර තත්ත්වයේ පසුවන බව යාපනය ශීක්ෂණ රෝහලේ අධ්යක්ෂ පී. සත්යමූර්තී පැවසීය.
මෙම අනතුර සම්බන්ධයෙන් චාවාකච්චේරී පොලීසිය පරීක්ෂණ පවත්වා ගෙන යයි.
