සිද්ධ වෙමින් ඇත්තේ ආණ්ඩු බිඳ වැටීමක් නොව රාජ්ය බිඳ වැටීමක් බවත් මේ අර්බුදය ගැඹුරින් විග්රහ කිරීමේ හෝ තේරුම් ගැනීමේ හැකියාව ඇත්තේ එ.ජා.ජ නායක රනිල් වික්රමසිංහට පමණක් බවත් මාධ්යවේදී වික්ටර් අයිවන් කියයි.
ඔහු මේ බව පවසන්නේ බීබීසීය සමග රටේ වත්මන් ආර්ථික අර්බුදය ගැන සංවාදයකට එක් වෙමිනි. වික්ටර් අයිවන් මේ අවස්ථාව විග්රහ කරන ආකාරය බීබීසිය වාර්තා කරන්නේ මෙසේය.
“මේක සාමාන්යයෙන් සිදුවන දෙයක් නෙමෙයි. ආණ්ඩුවක් වැටුණොත් ආණ්ඩුවක් බලයට එනවා. රාජ්යක් වැටුණොත් රාජ්යයක් බලයට එන්නේ නැහැ. රාජ්යක් බිඳ වැටෙනවා කියන්නේ විශාල ප්රශ්නයක් රටකට. මේ ලංකාව මුහුණ දීලා තියෙන්නේ විශාල ප්රශ්නයකට.”
“එල්.ටී.ටී.ඊ, ජේ.වී.පී මේ ඔක්කම අර්බුද එකට ගත්තත් මෙච්චර විශාල නැහැ. මේක ගොඩ ගන්න පුළුවන් වෙන්නේ සියලු දෙනා එකට එකතුවෙලා විශාල විදිහේ ව්යුහමය වැඩසටහනකට යොමු කිරීමෙන්.”
“ගෙවුම් ශේෂ අර්බුදය මේ අර්බුදයේ එක අංගයක් පමණයි. මතුපිටින් පෙනෙන්නේ ගෙවුම් ශේෂ අර්බුදය ඇත්තටම මේකේ යට තියෙන බරපතල අර්බුදය තමයි, සමාජ ක්රමයේ හා දේශපාලන ක්රමයේ තියෙන අර්බුදය.“
“සර්ව පාක්ෂික සමුළුවක් කැඳවන්නේ ඇයි? මේක පවත්වාගෙන යන්න බැරිතරම් අවුලක තියෙන බව ඒ ගොල්ලන්ට වහංගු කරන්න බැරි තත්ත්වයක් ඇති වෙලා තියෙනවා. මම හිතන්නේ නැහැ ගැඹුරු න්යායික අවබෝධයක් තියෙනවා කියලා මේ අර්බුදය ගැන, ආණ්ඩුවට. එහෙම තියෙනවා නම්, මේ විදහට මේ තරම් මෝඩ විදිහට හැසිරෙන්නේ නැහැ,”
“දේශපාලන නායකයෝ අතර සමහර අංශ වලින් තමන්ගේ තත්ත්වය ආරක්ෂා කර ගැනීමට අසමත් වුණත්, මේ ප්රශ්නය ගැඹුරින් විග්රහ කිරීමේ හෝ තේරුම් ගැනීමේ හැකියාව තියෙන්නේ රනිල් වික්රමසිංහට. ඒක එයා දිගින් දිගටම පෙන්වලා තියෙන දෙයක්. “
“එකෙන් මම කියන්නේ නැහැ එයා තමා ගැලවුම්කාරයා කියලා. නමුත් මෙතෙන ඉන්න පරිනත මිනිසුන්ගෙන් එක්කෙනෙක් එයා.”
“මේක විශාල, ප්රබල ඒකාග්ර උත්සායකින් විසඳා ගතයුතු ප්රශ්නයක් කියලයි මම දකින්නේ”
