කොළඹ නගරයේ ඇති ඇමැති බංගලා පනස් පහක් ඇති බවත්, එම බංගලා වසා දමා වසරකට ආසන්න කාලයක් ගතවී ඇතත් ඒ සම්බන්ධයෙන් රජය තවමත් ස්ථිර තීරණයකට පැමිණ නැතිවීම හේතුවෙන් එම දේපල දවසින් දවස ජරාවාස වෙමින් පවතින බවත් ලංකාදීප වාර්තා කරයි.
ඇමති බංගලාවලට අමතරව පසුගිය කාලයේදී වසා දමා තිබූ ගොඩනැගිලි කිහිපයක් සම්බන්ධයෙන්ද කැබිනට් මණ්ඩලය ඉදිරියේදී තීරණයක් ගැනීමට නියමිතව ඇතැයි ද එම ගොඩනැගිලිත් කාලයක් රජයේ නිලධාරීන් පාවිච්චි කළ ඒවා බවද එම වාර්තාවේ දැක්වේ.
මේ සම්බන්ධයෙන් රාජ්ය පරිපාලන පළාත් සභා හා පළාත් පාලන අමාත්ය ආචාර්ය චන්දන අබේරත්නගෙන් කළ විමසුමකදී ඔහු පවසා ඇත්තේ ඇමති බංගලා සම්බන්ධයෙන් කැබිනට් මණ්ඩලය ළඟදීම තීරණයක් ගනු ඇති බවයි.
ඒ බංගලා ඇතුළු ගොඩනැගිලි සම්බන්ධයෙන් සියලු වාර්තා භාරදී අවසන් බවද ඔහු සඳහන් කළේය. එසේම ඇමැති බංගලාවල යම් යම් අලුත් වැඩියා කිරීම් කරන බව අමාත්යවරයා පැවසීය.
මේ අතර ඇමැති බංගලා ලබාදෙන ලෙස රාජ්ය සහ පෞද්ගලික ආයතන පනහකට වැඩි ප්රමාණයක් ඉල්ලීම් කර ඇතැයි රාජ්ය පරිපාලන පළාත් සභා හා පළාත් පාලන අමාත්යාංශය පවසයි. ( සුජිත් හේවාජුලිගේ )
