දිනසේන රතුගමගේ
කොරෝනා වෛරස් රෝගයෙන් මියයන මුස්ලිම් ජාතිකයින්ගේ මළසිරුරු ආදාහනය නොකරණ ලෙස ඉල්ලා මන්නාරම කිළිනොච්චිය හා මුලතිව් යන ප්රදේශ වල 16 දා විරෝධතා කීපයක්ම පැවැත්වුණි.
ඒ ඒ නගර වල දිසාපති කාර්යාල හා ප්රාදේශීය ලේකම් කාර්යාල ඉදිරිපිටදී මෙම විරෝධතා පැවති අතර ඒවාට දෙමළ ජාතිකයින්ද යම් ප්රමාණයකට සහභාගී වූහ.
විරෝධතාකරුවෝ ඉල්ලා සිටියේ ශ්රී ලංකාවේ වෙසෙන සුළු ජාතීන් සම්බන්ධයෙන් ඇති චාරිත්ර වාරිත්ර හා ආගමික සංකල්ප ඒ අයුරින්ම පවත්වා ගෙන යාමට රජය මැදිහත්ව කටයුතු කළ යුතු බවයි.
මේ ඉල්ලීම් ඇතුළත් ලිපියක්ද විරෝධතාකරුවෝ විරෝධතාවයන් අවසන් වීමෙන් පසුව රජයේ බලධාරීන්ට බාර දී තිබේ.
උතුරු නැගෙනහිර සම්බන්ධිකරණ කමිටුව නැමති සංවිධානය විසින් මෙම විරෝධතා සංවිධානය කොට තිබුණි.
