-
මැතිවරණ කොමිසම ජනාධිපතිවරණයේ පළමු සංග්රහ වැටලීම කරයි… අධිකරණ ඇමති ජනාධිපති නීතිඥ අලි සබ්රි අධිකරණ රාජ්ය ඇමති අනුරාධ ජයරත්න මැතිවරණ නිති කඩන බිරියානි පාටියට ඇවිත්…
ස්වාධීන ජනාධිපති අපේක්ෂක රනිල් වික්රමසිංහට සහාය පළ කරමින් ඊයේ රාත්රී ගම්පොළ බෝතලාපිටිය” වයිට් වින්ස්” උත්සව ශාලාවේ පැවති ජන හමුවේදී සිය ආධාරකරුවන්ට ආහාර වලින් සංග්රහ කිරීමට සූදානම් වීමේදී මැතිවරණ කොමිෂන් සභාවේ මහනුවර සහකාර මැතිවරණ කොමසාරිස්වරයා ඇතුළු නිලධාරීන් පැමිණි එම සංග්රහය අවලංගු කර එම ආහාර වලින් කොටසක් ඔවුන් බාරයට ගෙන ගම්පොල පොලිස් භාරයට පත් කිරීමට කටයුතු කෙරිණි.
රැස්ව සිටි ආධාරකරුවන් හට රාත්රී ආහාර ලෙස බුරියානි ලබාදීමට සූදානම්ව පවතින බවට මැතිවරණ කොමිසම වෙත ලැබී තිබූ පැමිණිල්ලකට අනුව එම නිලධාරීන් මෙම වැටලීම සිදුකර තිබුණි.
ආධාරකරුවන් 1500 ක් සඳහා ලබාදීමට සූදානම් කර තිබූ ආහාර වලින් විශාල හට්ටි තුළ දමා මෙම ස්ථානය වෙත රැගෙන එමින් තිබූ බටු මෝජුවක්, චට්නියක් හා තවත් කරියක් මෙසේ එම නිලධාරීන් භාරයට ගෙන තිබුණි.
මෙම ජන හමුව රාත්රි අටයි තිහට යොදා තිබූ අතර ඒ සඳහා හිටපු අධිකරණ අමාත්ය අලි සබ්රි මහින්දානන්ද අලුත්ගමගේ අධිකරණ රාජ්ය අමාත්යය අනුරාධ ජයරත්න ශාන්තිනී කෝංගහගේ වේලු කුමාර් ගම්පොළ එජාප ප්රධාන සංවිධායක සමන්ත අරණ කුමාර ඇතුළු කථිකයන් රැසක් සහභාගි වී සිටියහ.
මොවුන් පැමිණීමට පෙර මැතිවරණ කොමිසමෙ නිලධාරීන් මෙසේ පැමිණ මෙම ආහාර ඔවුන් භාරයට ගෙන තිබුණි.
එම නිලධාරීන් ගම්පොළ පොලිසියේ සටහන් දමා පිටව ගිය අතර රාත්රී නමය පමණ වන විට ආරාධිත කථිකයන් පැමිණ එම රැස්වීම පවත්වාගෙන යන ලදී.
මෙම වැටලීම ජනාධිපතිවරණයේදී පළමු සංග්රහ වැටලීම බව ප්රකාශ විය.
