මෙරටට අත්යාවශ්ය ඖෂධ, ඉන්ධන අඛණ්ඩව සපයා ගැනීමටත් පවතින දරුණු ආර්ථික අවපාත තත්ත්වය යම්තාක් දුරකට හෝ සමනය කර ගැනීමටත් ඉදිරි මාස හයක කාලය තුලදී ඇමරිකානු ඩොලර් බිලියන 3ක විදේශ සහන අත්යාවශ්ය බව මුදල් ඇමති අලි සබ්රි රොයිටර්ස් පුවත්සේවය ප්රකාශ කර ඇත.
අමාත්යවරයා විසින් රොයිටර් පුවත්සේවයට විශේෂ සම්මුඛ සාකච්ඡාවක් ලබාදෙමින් මේබව ප්රකාශ කර ඇති අතර ඔහු මුදල් අමාත්යධුරයට පත්වීමෙන් පසු ලබාදුන් පළමු සම්මුඛ සාකච්ඡාවද මෙයවේ.
‟මෙය ඉතාම දුෂ්කර කාර්යක්. මෙම සමස්ථ උත්සහයම දරන්නේ ශ්රී ලංකා ආර්ථිකය බංකොලොත් තත්ත්වය පත්වීම වලක්වා ගැනීමටයි. බංකොලොත් වීමත් වුවහොත් ඇති වන ප්රතිවිපාක පිළිබඳ අපි ඉතාමත් හොදින් දැණුම්වත් සහ අවබෝධයකිනුයි පසුවෙන්නේ” යනුවෙන්ද ඔහු ප්රකාශ කර ඇත.
‟අපි දන්නවා අපි කොතැනද ඉන්න කියන කාරණය සහ දැන් කරන්න තියෙන්නේ සටන් කිරීම පමණයි” යනුවෙන්ද ඔහු එහිදී සඳහන් කළ බවද රොයිටර් පුවත් සේවය වාර්තා කරයි.
ශ්රී ලංකාවේ විදේශ සංචිත මේවන විට ඇමරිකානු ඩොලර් බිලියන 1.93ක වැනි අඩු මට්ටමක පවතින අතර ජේ.පී. මොර්ගන් විශ්ලේෂකයින් පෙන්වා දෙන ආකාරයට ශ්රී ලංකාවට මෙම වසර තුලදී ඇමරිකානු ඩොලර් බිලියන 7ක ණය සේවාකරණ ගොවීම සිදුකිරීමට තිබේ.
