සූරියවැව නුවන් ජයසේකර –
-
අපවත් වුණු නා හිමියන් එක්ක සම්බන්ධයක් තිබ්බද කියලා බලන්න… මහින්ද රාජපක්ෂක වෙනුවෙන් කතරගම නිවසක් ඉදිකිරිම සම්බන්ධයෙන් මා කිසිවක් දන්නේ නෑ…
-
මේ සිද්ධිය සම්බන්ධයෙන් සමාජ මාධ්ය හරහා විවිධ බොරු ප්රචාර සමාජගත කිරිම ගැන දැඩි ලෙස කණගාටුවෙනවා. මොකද මා දේශපාලන බැඳීම් නැති ශාසන භාරධාරී හිමිනමක් නිසා…
හිටපු ජනාධිපති මහින්ද රාජපක්ෂ වෙනුවෙන් කතරගම නිවසක් ඉදිකිරිම සම්බන්ධයෙන් කිරිවෙහෙර විහාරාධිපති හිමි ලෙස තමන්ගේ කිසිම සම්බන්ධතාවයක් නොමැති බවත්, ඒ පිළිබඳව කිසිවක් නොදන්නා බවත් පවසන කිරිවෙහෙර රාජමහා විහාරය ඇතුළු පංච මහා විහාරාධිපති, රුහුණු මාගම්පත්තුවෙ ප්රධාන සංඝනායක අතිපුජ්ය කොබවක ධම්මින්ද නා හිමියෝ සිද්ධිය සම්බන්ධයෙන් මේ වනවට සමාජ මාධ්ය හරහා විවිධ බොරු ප්රචාර සමාජගත කිරිම පිළිබඳව දැඩි ලෙස කණගාටුවන බව ප්රකාශ කරති.
උන්වහන්සේ අද (12) පෙරවරුවේ මාධ්ය වෙත අදහස් දක්වමින් මේ පිළිබදව කරුණු පැහැදිළි කරනු ලැබුහ. එහිදි උන්වහන්සේ වැඩිදුරටත් මෙසේ ද පැවසුහ.
“මුලින්ම කියන්න ඕනේ මේ සිද්ධියට මගේ කිසිම සම්බන්ධයක් නෑ කියලා. මෙම ඉදිකිරිම සිදුකරලා තියෙන්නේ අපවත් වි වදාළ මාගේ ගුරුදේව නා හිමියන්ගේ කාල වකවානුවේදීයි.
මම විහාරාධිපති හිමි ලෙස පත් වුණාට පසුව මේ ඉදිකිරිම ගැන හෝ මේ ගැන කිසිවක් දැන හිටියේ නෑ. අපේ අපවත් වුණු නායක හාමුදුරුවන්ගේ කාලයේදී එහෙම කිසියම් සම්බන්ධතාවයක් තිබුණද නැද්ද කියා කියන්න මන් දන්නේ නෑ. මම කිරිවෙහෙර විහාරාධිපති හිමියන් ලෙස පත් වෙලා එන්නේ 2013 වසරේදීයි. මට කරුණු දැනගන්න ලැබුණු විදියට මේ ඉදිකිරිම සිදුකරලා තියෙනවා කියන්නෙ 2006 වසරේදීයි. ඉතින් ඒ නිසා මගේ කිසි සම්බන්ධයක් නැති මේ ඉදිකිරිම පිළිබඳව මට කිසිම වගකිමක් ගන්න බෑ. ඒක මම විමර්ෂන නිළධාරීන්ටත් පැහැදිළිවම කිව්වා.
මොකද මීට පෙරත් අවස්ථා දෙකකදී අපරාධ පරීක්ෂණ දෙපාර්තමේන්තුවේ නිළධාරීන් කිරිවෙහෙරට ඇවිත් ප්රකාශ සටහන් කරගෙන ගියා. තුන්වෙනි වතාවට තමයි 13 වෙනිදත් මාව කොළඹට කැඳවලා තිබුණේ. මෙහිදී අපරාධ පරීක්ෂණ දෙපාර්තමේන්තුවේ නිළධාරීන් මගෙන් පැය හතරක් පහක් විතර කරුණු විමසුවා .මම එහිදී සියළුම කරුණු නිළධාරීන්ට පැහැදිලි කළා. මෙම ඉදිකරපු ගෙදර යතුරු වගයක් අපිට ගෙනත් බාර දිලා තිබුණා. අපි ඒවා පවා ඒ අයටම බාර දීලා තියෙන්නේ. ඒ අනුව ඒ නිවස හෝ නිවස ඉදිකිරිම පිළිබදව හෝ එහි සිටින පිරිස් සමග හෝ අපේ කිසි සම්බන්ධතාවයක් වර්තමානයේ නෑ.
අනික කතරගම රාජපක්ෂ මහත්තයා ගෙයක් හදපු එක ගැන හෝ ඒ පිළිබඳව මට කිසිදු ප්රකාශයක් කරන්න බෑ. මම කිරිවෙහෙර පන්සලේ විහාරාධිපති හිමි විතරයි. මට තීන්දු කරන්න බෑ මහන්ද රාජපක්ෂ මහත්තයට කතරගම ගෙයක් හදන්න පුළුවන්ද බැරිද කියලා. ඒ නිසා එ් ගේ ගැන අහන්න වෙන්නේ රාජපක්ෂ මහත්තයාගෙන්ම තමයි. අනික මමත් හරිම කැමතියි මෙතනට කැඳවලා මෙහෙමෙ ප්රශ්න කරපු එකට. එහෙම නැති වුණාම එක එක්කෙනා විවිධ දේ අනුමාන කරලා විවිධ මඩ ප්රචාර සමාජ ගත කරනවා. ඒ නිවැරදි දේ සමාජ ගත කරන්න පුළුවන් මෙහෙම වුණාම.
මට තියෙන කණගාටුව තමයි මෙම සිදුවීම පාදක කරගෙන සමාජ මාධ්ය හරහා කිරිවෙහෙරට හා පුද්ගලිකව මා පිලිබඳවත් වැරදි පුවත් ප්රචාරය කර තිබීම ගැන. අඩුම තරමින් මගෙන් විමසිමක්වත් කරන්න තිබුණා. එහෙම කිසිම විමසිමක් නොමැතිව හිතුමතේ මෙහෙම වැරදි ප්රචාර සිදුකිරිම ගැන මම කණගාටුවෙනවා.
මහින්ද රාජපක්ෂ මහත්තයා කියන්නේ මේ රටේ හිටපු රාජ්ය නායකයෙක්. ඉතින් එතුමා මේ විහාරස්ථානයට ආගමික කටයුතු වෙනුවෙන් ඕනි තරම් ඇවිත් තියෙනවා. මම විහාරාධිපති හිමි හැටියට ඒ සඳහා සහභාගී වෙන එක සාමාන්ය දෙයක්.
මා බොහොම වගකීමෙන් කියනවා මේ වෙනකම් පැවති ආණ්ඩුවලින් හෝ වත්මන් ආණ්ඩුවෙන්වත් ඉදිකට්ටක දෙයක් මේ වෙනකම් මම අරගෙන නෑ. මම වාහන පර්මිට් අරගෙනත් නෑ. ඉඩම් අක්කර ගනන් මම අරගෙනත් නෑ .ඉදිරියටත් එහෙම ගන්න මගේ බලාපොරොත්තුවකුත් නෑ. ඉදිරිකාලය තුළදීත් එහෙම ගන්න නොලැබේවා කියලත් මම ප්රාර්ථනා කරනවා.
මම එදා ඉදන්ම පැවති සියළුම රජයන්වලට කිව්වේ කතරගමට ආවොත් ඇවිත් කිරිවෙහෙර වැදපුදාගෙන යන්න කියලා විතයි. රජයෙන් කියා යමක් කරනවා නම් පුද්ගලිකව මට කිසිවක් එපා. සමස්ත කතරගම වෙනුවෙන් කරන දෙයක් කරන්න කියලා විතරයි මා ඉල්ලලා තියෙන්නේ. ඒ නිසා රටේ බොහෝ දෙනෙකු අතර ඉතා පැහැදිමක් තියෙන කිරිවෙහෙර පිළිබදව වැරදි මත සමාජ ගත නොකරන ලෙසට මා ඉල්ලනවා.
