මනම්පිටිය නිමල් ජයරත්න –
මෙවර මහ කන්නයේ වී අස්වනු නෙළීමේ කටයුතු සඳහා අවශ්ය ඉන්ධන ලබා ගැනීමට පොළොන්නරුව ඇතුළු මහවැලි බි කලාපයේ සියලු ගොවීන්ට විශේෂ ලිපියක් නිකුත් කිරීමට අවශ්ය පියවර ගන්නා ලෙස සියලු ගොවිජන සංවර්ධන නිලධාරීන්ට ලිඛිතව දැනුවත් කර ඇති බව පොළොන්නරුව ගොවිජන සේවා සහකාර කොමසාරිස් අරුණ නිරෝෂන් සඳහන් කරයි.
පොළොන්නරුව ඇතුළු මහවැලි බි කලාපයේ මේ දිනවල මහ කන්නයේ වී අස්වනු නෙලමින් පවතින අතර අස්වනු නෙළීම් කටයුතු සිදු කිරීමට ප්රමාණවත් පරිදි නොලැබීමෙන් ගොවීන් සහ වී අස්වනු නෙලන යන්ත්ර හිමිකරුවන් දැඩි අසීරුතාවයට පත්ව සිටියහ.
ඉන්ධන පෙරවුම්හල් වලින් ඩීසල් ලබාගැනීමේදී ගොවීන්ට මුහුණපෑමට සිදුවූ ගැටලු සැලකිල්ලට ගනිමින් රජය මෙම පියවර ගෙන තිබේ.
ගොවීන් විසින් වී වගා කරන ලද බිම් ප්රමාණය සැලකිල්ලට ගනිමින් ගොවීන් ඉදිරිපත් කරන ඉල්ලීම් අනුව අදාල ඩීසල් ප්රමාණය නිකුත් කිරීමට පියවර ගන්නා ලෙසට සියලු ගොවිජන සේවා සංවර්ධන නිලධාරීන්ට,ගොවිජන සේවා සහකාර කොමසාරිස්වරයා විසින් දැනුවත් කොට ඇති බවද සඳහන් වේ.
