මත්පැන් බෝතල්වල ව්යාජ ස්ටිකර් යෙදීමේ ජාවාරමට සම්බන්ධ මත්පැන් නිෂ්පාදන සමාගම්වල බලපත්ර අහෝසි කරන ලෙස ක්රම සහ විධි පිළිබඳ කාරක සභාව සුරාබදු දෙපාර්තමේන්තුවට නිර්දේශ කර ඇත.
පාර්ලිමේන්තු මන්ත්රී පාඨලී චම්පික රණවකගේ ප්රධානත්වයෙන් කාරක සභාව ඊයේ (07) රැස්වූ අවස්ථාවේදී මෙම නිර්දේශය ඉදිරිපත් කර තිබේ. මෙම ව්යාජ ස්ටිකර් පිළිබඳව අපරාධ පරීක්ෂණ දෙපාර්තමේන්තුවට වාර්තා කරන ලෙස ද කමිටුව නියෝග කළේය.
ව්යාජ ස්ටිකර් අලවා මත්පැන් බෝතල් අලෙවි කරන වෙළෙඳසල්වල බලපත්ර අවලංගු කිරීමට ද ක්රම සහ විධි කාරක සභාව නියෝග කළේය.
ව්යාජ ස්ටිකර් අලවා තිබූ මත්පැන් බෝතල් 44,000කට වැඩි ප්රමාණයක් සොයාගත් බවත්, ඒ සම්බන්ධ එක් සමාගමකින් රුපියල් මිලියන 40කට ආසන්න දඩ මුදලක් අය කළ බවත් සුරාබදු දෙපාර්තමේන්තු නිලධාරීන් කමිටුවට දන්වා සිටියේය.
එමත්පැන් බෝතල්වල සත්යතාව හඳුනා ගැනීම සඳහා QR තාක්ෂණය පදනම් කරගත් ජංගම යෙදුමක් හඳුන්වා දිය යුතු බව ද කමිටුව උපදෙස් දුන්නේය.
රුපියල් බිලියන 6 ක හිඟ බදු ගෙවීමේ සැලැස්මට අනුව බදු නොගෙවන කර්මාන්තශාලාවල බලපත්ර ඔක්තෝම්බර් 30 වැනිදා වනවිට අවලංගු කරන ලෙස ද ක්රම සහ විධි කාරක සභාව උපදෙස් දුන් බව පාර්ලිමේන්තු සන්නිවේදන දෙපාර්තමේන්තුව නිවේදනයක් නිකුත් කරමින් කියා සිටියේය.
