රැඳවූවන් අතර පැතිර යන බෝවන රෝගයක් හේතුවෙන් සති දෙකක කාලයක් වසා දමා තිබූ වවුනියාව රිමාන්ඩ් බන්ධනාගාරය හෙට (08) යළි විවෘත කරන බව බන්ධනාගාර දෙපාර්තමේන්තුව පවසයි.
බන්ධනාගාරය තුළ සිටින රැඳවියෙකුට සහ බන්ධනාගාර නිලධාරියෙකුට සරම්ප වැළඳී ඇති බවට හඳුනාගැනීමත් සමඟ රෝගය පැතිරීම අවම කිරීම සඳහා වහා ආරක්ෂිත පියවරක් ලෙස බන්ධනාගාර පරිශ්රය තුළ සංචාර සීමා පැනවීමට බන්ධනාගාර දෙපාර්තමේන්තුව පියවර ගත්තේය.
ඒ අනුව ජූලි 25 වැනිදා සිට සති දෙකක කාලයක් සඳහා පනවා තිබූ සීමාවන් අද (අගෝස්තු 07) සිට අවසන් වීමට නියමිතය. කෙසේ වෙතත්, වව්නියාව ප්රාදේශීය වසංගත රෝග විද්යා අංශය සහතික කළේ බන්ධනාගාරය සංචරණ සඳහා යළි විවෘත කිරීම සඳහා සුදුසු පරිසරයක් බන්ධනාගාර පරිශ්රයේ පවතින බවයි.
හෙට (08) සිට සාමාන්ය පරිදි බන්ධනාගාරයේ දෛනික කටයුතු කරගෙන යාමට හැකි බව ප්රාදේශීය වසංගත රෝග විද්යා අංශය බන්ධනාගාර නිලධාරීන්ට දන්වා ඇති බවද බන්ධනාගාර දෙපාර්තමේන්තුව වැඩිදුරටත් සඳහන් කළේය.
සරම්ප, කම්මුල්ගාය සහ රුබෙල්ලා එන්නත් අවුරුදු 21 ට වැඩි සියලුම සිරකරුවන්ට ලබාදීමට සෞඛ්ය වෛද්ය නිලධාරීවරයා කඩිනම් පියවර ගෙන ඇත.
දැනට වවුනියාව බන්ධනාගාරයේ රැඳවියන් 400 ක් සිටින අතර නිලධාරීන් 85 දෙනෙකුගෙන් යුත් කාර්ය මණ්ඩලයක් සිටී.
