නෝර්වුඩ් සමූහ රංජිත් රාජපක්ෂ –
බීමත්ව මගීන් සමග ලංගම බස් රථය ධාවනය කල රියදුරෙක් අද (24) කඳපොළ පොලිසිය විසින් අත්අඩංගුවට ගෙන ඇත.
නුවරඑලිය සිට උඩුපුස්සැල්ලාව දක්වා මගීන් රැගෙන ධාවනය කළ ලංගම බස් රථ රියදුරා බීමත්ව රිය ධාවනය කරවන බවට එම බස් රථයේ ගමන් ගත් මගියෙකු විසින් 119 පොලිසි හදිසි ඇමතුම් ඒකකයට ලබා දුන් තොරතුරක් මත කඳපොළ පොලිසිය එම බස් රථය නතර කර රියදුරාව පරික්ෂා කිරිමේදි රියදුරා මත්පැන් පානය කර ඇති බවට තහවුරු වී ඇත.
ඒ සමග කදපොළ පොලිසිය මගින් රියදුරාව අත්අඩංගුවට ගෙන බස් රථය පොලිස් භාරයට ගෙන තිබුණි.
පොලිස් භාරයට ගත් බස් රථය නුවරඑලිය ලංගම ඩිපෝව වෙත වෙනත් රියදුරෙකු යොදා භාර දි ඇති අතර, සැකකාර රියදුරාද පොලිස් ඇප මත මුදා හැර තිබේ. ඔහුට එරෙහිව නුවරඑලිය මහේස්ත්රාත් අධිකරණය හමුවේ නෛතික පියවර ගන්නා බව කදපොළ පොලිසියේ පවසයි.
සැකකාර රියදුරා මීට ප්රථම ද බීමත්ව රිය පැදවීමේ චෝදනාව යටතේ අධිකරණයේ වැරදිකරුවෙකු වී අති බවත්, ඊට අමතරව නුවරඑලිය ඩිපෝව මගින්ද විනය ක්රියාමාර්ග ගෙන ඇති බවත් නුවරඑලියේ ඩිපොවේ නිළධාරියෙකු කියා සිටියේ.
