වරායෙන් කන්ටේනර් 323ක් පැන්නූ වංචාව නිසා බිමල් රත්නායකගෙන් එම විෂයය ඉවත් කිරීමට ආණ්ඩුව ගත්තේ සාධනීය තිරණයක් බවත් ඒ පිළිබඳව ආණ්ඩුවට සුබ පතන බවත් ශානක්කියන් රාසමාණික්කම් මන්ත්රීවරයා අද (10) පාර්ලිමේන්තුවේ දී ප්රකාශ කළේය.
ඔහු කීවේ බිමල් රත්නායක ඇමතිවරයාගෙන් වරාය විෂය ඉවත් කිරීම පිළිබඳ ප්රවෘත්තිය අද උදෑසන තමන් ඇසු සුබදායකම ප්රවෘත්තිය බවය. මෙවැනි තීරණ ගැනීම ගැන ආණ්ඩුවට සුබ පතන බවත් මන්ත්රීවරයා පැවසුවේය.
පසුව ඊට පිළිතුරු දෙමින් නියෝජ්ය අමාත්ය වෛද්ය ප්රසන්න ගුණසේන පැවසුවේ දරුවෙකුගේ සිහිනය වූ වෛද්යවරයෙක් හෝ ඉංජිනේරුවෙක් වීමේ සිහිනය ජය ගෙන ගණිත අංශයෙන් ඒ සාමාර්ථ 04ක් දිනා මොරටුව විශ්වවිද්යාලයේ ඉංජිනේරු පීඨයට තේරී වසරක් තුළ සමාජ පරිවර්තනයක් අපේක්ෂාවෙන් ඉවත් වී පැමිණි බිමල් රත්නායක කන්ටේනරයකට යට කළ හැකිනම් ජාතික ජන බලවේගය සම්බන්ධව තව බොහෝ දේ හැදෑරීම ඔවුන් විසින් කළ යුතු බවය.
නියෝජ්ය ඇමතිවරයා මෙසේ පැවසුවේය.
ප්රවාහන මහාමාර්ග වරාය සහ ගුවන් සේවා විදිහට තිබ්බෙ. වරාය සහ ගුවන්සේවා වෙනුවට නාගරික සංවර්ධන අමාත්යාංශය ඒකාබද්ධ කළා. ඒ පිළිබඳව චෝදනා කළා වරාය නිසා බිමල් ඇමති තුමා අයින් කළා කියලා.
මන්ත්රී තුමාට මේක කියන්න ඕන. අප සියලු දෙනාගෙම හීනයක් තියනවා… කුඩා කාලෙ ළමයෙකුගේ හීනයක් වෙන්නේ විශ්වවිද්යාලයට ගිහින් වෛද්යවරයෙක් ඉංජිනේරුවරයෙක් වෙන එක. ඒ හීනය දිනාගෙන ඒ හතරක් අරන් මොරටු කැම්පස් එකට ගිහිල්ලා ඉංජිනේරු පීඨයට සිලෙක්ට් වෙලා අවුරුද්දකින් අත්හැරලා දාලා සමාජ පරිවර්තනයක් වෙනුවෙන් කැප වෙච්චි මනුස්සයෙක් කන්ටේනර් එකකට යට කරන්න පුලුවන් වේවි කියලා හිතනවා නම් කියන්න තියෙන්නේ අපි ගැන ගොඩාක් තේරුම් අරන් නෑ කියන එක විතරයි.
ඒ වගේ පිරිසක් තමයි මේ ඉන්නේ. ඒ නිසා මේ වගේ කතා කියලා අපව අධෛර්යමත් කරන්න පුලුවන් නම් එහෙම කරන්න බෑ. මේක ඒකාබද්ද කිරීමට ප්රධාන හේතුව වෙන්නේ ප්රවාහන මහාමාර්ග, වරාය ගුවන් කිව්වට මේක ඇත්තටම වරාය ගුවන් වලට ලඟින් අපට යන්නේ නාගරික සංවර්ධන එක.
අපි බලාපොරොත්තුවක් තියනවා මල්ටි මොඩල් සෙන්ටර්ස් විශාල ප්රමාණයක් හදන්න. ලබන අවුරුද්දේ 9ක් හදන්න පටන් අරගන්නවා. ඒ අනුව තමයි ප්රවාහන ක්ෂේත්රය උඩට ගන්න බලාපොරොත්තු වෙන්නේ. මේ විදිහට උඩට ගන්න නම් අපට ඒකාබද්ධ විය යුතු කෑල්ල තමයි නාගරික සංවර්ධන අධිකාරිය. නාගරික සංවර්ධන අමාත්යාංශය. ඒ නිසා තමයි මේ ඒකාබද්ධ කිරීම කරන්නේ.
