බ්රසීලය සමඟ එක්සත් ජනපද වාණිජ සම්බන්ධතාවයේ එක්සත් ජනපද වෙළඳ හිඟයක් පිළිබඳ ඇමරිකානු ජනාධිපති ඩොනල්ඩ් ට්රම්ප්ගේ ප්රකාශය සාවද්ය බවත්, ඕනෑම ඒක පාර්ශවික බදු වැඩිකිරීමකට අදාලව බ්රසීලයේ නීතියට අනුව ප්රතිචාර දක්වන බවත් බ්රසීල ජනාධිපති ලූලා ද සිල්වා සිය X ගිනුමේ නිවෙදනයක් නිකුත් අද (10) අවධාරණය කළේය.
බ්රසීලය වෙත ඇමරිකානු ජනාධිපති ඩොනල්ඩ් ට්රම්ප් පැනවු සියයට 50ක තීරු බද්ද සම්බන්ධව සිය අදහස් දක්වමින් ලූලා ද සිල්වා මේ බව දැන්වූයේය.
පසුගිය වසර 15 තුළ බ්රසීලය සමඟ භාණ්ඩ හා සේවා වෙළඳාමේ ඩොලර් බිලියන 410 ක අතිරික්තයක් එක්සත් ජනපද රජයේම සංඛ්යාලේඛනවලින් පෙන්නුම් කරන බව බ්රසීල ජනාධිපතිවරයා පෙන්වා දී තිබේ.
බ්රසීලය යනු එහි අධිකරණ පද්ධතියට බාහිර බලපෑම් නොඉවසන ස්වෛරී ජාතියක් බවත් සිය ජාතික ආයතනවල ස්වාධීනත්වයට හානි කළ හැකි කිසිදු මැදිහත්වීමකට හෝ තර්ජනයකට යටත් නොවන බවත් ස්වෛරීභාවය, ගෞරවය සහ බ්රසීල ජනතාවගේ අවශ්යතා නොසැලෙන ලෙස ආරක්ෂා කිරීමට කැප වන බවත් බ්රසීල ජනාධිපතිවරයා සිය නිවේදනයෙන් දන්වා ඇත.
බ්රසීලයේ, ප්රකාශනයේ නිදහස ආක්රමණශීලී හෝ ප්රචණ්ඩකාරී භාවිතයන් සමඟ පටලවා නොගත යුතු බව දන්වන ජනාධිපතිවරයා බ්රසීල භූමිය තුළ ක්රියාත්මක වීමට නම් දේශීය හෝ විදේශීය සියලුම සමාගම් බ්රසීල නීතියට අනුකූල විය යුතු බව අවධාරණය කරයි.
මින් පෙර බ්රසීල ජනාධිපතිවරයා බ්රික්ස් සාමාජිකයින්ට එරෙහිව ඩොනල්ඩ් ට්රම්ප් එල්ල කළ තර්ජනවලට පිළිතුරු දෙමින් ප්රකාශ කර සිටියේ ලෝකයට අධිරාජ්යයෙක් අවශ්ය නැති බවය. බ්රසීලය බ්රික්ස්හි ආරම්භක සාමාජිකයෙක් ලෙස කටයුතු කරන රජ්යයකි.
ප්රකාශ කරන්නේ බ්රසීලය සමඟ එක්සත් ජනපද වාණිජ සම්බන්ධතාවයේ එක්සත් ජනපද වෙළඳ හිඟයක් පිළිබඳ ප්රකාශය සාවද්ය බවය.
.
