එස්.එම්.චන්ද්රසේන පවසන ආකාරයට ඔවුන් පොදු ජන පෙරමුණේ බලය අල්ලා ගැනීම නම් සිදුනොවන බව පොදු ජන පෙරමුණේ පාර්ලිමේන්තු මන්ත්රි රාජ්ය අමාත්ය ඉන්දික අනුරුද්ධ පවසයි.
ඔහු මේ බව පැවසුවේ අද කොළඹ දී පැවති මාධ්ය හමුවක දී මාධ්යවේදීන් ඇසූ ප්රශ්නවලට පිළිතුරු දෙමිනි.
“මේකෙ බලය අල්ලන්න ඒ ගොල්ල හිතන විදිහට ලේසි වෙන්නේ නෑ. ඒගොල්ල කියනවා නම් මේකෙ බලය අල්ලනවා කියලා අපිත් ඉන්නවනේ…. ඒ ගොල්ල අල්ලන හැටි අපි බලමුකො.
මම අද වගකීමෙන් කියන්නම්. ඔය ගොඩක් කියන අය ඇවිත් ආයෙ ශ්රී ලංකා පොදු ජන පෙරමුණේ තමයි නවතින්නේ.” ඉන්දික අනුරුද්ධ පැවසුවේය.
“මේ එන්නේ බැටලු හම පොරවා ගත්තු වෘකයො. මේ එන්නේ ශ්රී ලංකා පොදු ජන පෙරමුණ කියන දැවැන්ත දේශපාලන පක්ෂයෙ තමයි අපි තාම ඉන්නේ කියාගත්ත ව්යාජ කණ්ඩායම.”
“ඒ පැත්තෙ මිනි මරපු එක්කෙනයි. මේ පැත්තේ බෝම්බ ගහපු එක්කෙනයි. මේ පැත්තේ කපා කොටගත්ත එක්කෙනයි අද එක වේදිකාවට ඇවිල්ලා ඒ වේදිකාව ඇතුළෙ රණ්ඩු කරනවා.
ඉස්සරහ පුටුව ඉල්ලලා රණ්ඩු කරනවා. මූලිකත්වය ඉල්ලලා රණ්ඩු කරනවා. සංවිධායකකම් ඉල්ලලා රණ්ඩු කරනවා.”
ඉන්දික අනුරුද්ධ පැවසුවේ අලුත් බලවේගයක් හදනවා නම් වැඳ පවසන්නේ ඒ අලුත් බලවේගය පුලුවන් තරම් ඉක්මනින් හදන ලෙසය.
“ප්රශ්න ගැටලු ඇති කරගන්නේ නැතිව කරුණාකරලා ඒ බලවේගය හදන්න කියලා අපි සුබ පතලා කියනවා. ජනතාවගේ පැත්තෙන් තව බලවේගයක් හැදෙන එක හොදයි. බලවේග වැඩිවුනාම තරග කාරිත්වයක් ඇති වෙනවා. වැඳලා කියන්නම්. කරුණාකරලා ගිහින් ඒ බලවේගය හදාගන්න අපට පවු නොදී.” ඔහු කීවේය.
