රුසියාවේ හිටපු ශ්රී ලංකා තානාපති උදයංග වීරතුංග පක්ෂයට කිසිදු සම්බන්ධයක් නොමැති බවත්, එබැවින් ඔහු පක්ෂය සම්බන්ධයෙන් කරන ප්රකාශ කිසිදු වැදගත්කමක් නොමැති බවත් ශ්රී ලංකා පොදුජන පෙරමුණේ ප්රධාන ලේකම් සාගර කාරියවසම් (03) අවධාරණය කළේය.
ශ්රී ලංකා පොදුජන පෙරමුණ ජනාධිපති අපේක්ෂකයා ලෙස ධම්මික පෙරේරා සහ අගමැති ලෙස නාමල් රාජපක්ෂ නම් කරන බවට උදයංග වීරතුංග කළ ප්රකාශයක් සම්බන්ධයෙන් මාධ්යවේදීන් සාගර කාරියවසම්ගෙන් ප්රශ්න කළ අවස්ථාවේදී ඔහු මේ බව සඳහන් කළේය.
උදයංග වීරතුංග සිදුකළ ප්රකාශය සම්බන්ධයෙන් අදහස් දැක්වීම කාරියවසම් ප්රතික්ෂේප කළ සාගර කාරියවසම්
ශ්රී ලංකා පොදුජන පෙරමුණ ජනාධිපති අපේක්ෂකයෙකු ඉදිරිපත් කරන බව යළිත් අවධාරණය කරන අතරම, රනිල් වික්රමසිංහ එක්සත් ජාතික පක්ෂයෙන් ඉවත් වී ශ්රී ලංකා පොදුජන පෙරමුණට එක්වන්නේ නම් ඔහුට සහය දැක්වීම පිළිබඳව සලකා බලන බව යළිත් පැවසීය.
“අපේ ජනාධිපති අපේක්ෂකයා කවුරුන්ද යන්න අපි තවම තීරණය කර නැහැ. ඔහු අනිවාර්යයෙන්ම ශ්රී ලංකා පොදුජන පෙරමුණ ලකුණ යටතේ ඉදිරිපත්වන අපේක්ෂකයෙකු විය හැකියි…” ඔහු අවධාරණය කළේය.
“අපේක්ෂකයා පිළිබඳ තීරණය සුදුසු අවස්ථාවේදී තීරණය කරනවා,” ඔහු වැඩිදුරටත් පැවසීය.
