රථ වාහන පොලීසියට අවනත නොවී කටයුතු කිරීම හේතුවෙන් පාර්ලිමේන්තු මන්ත්රී රාමනාදන් අර්ච්චුනාට එරෙහිව පොලීසිය විසින් විමර්ශනයක් ආරම්භ කර ඇතැයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග පවසයි..
පාර්ලිමේන්තු සභාවාරයට සහභාගී වීමට කොළඹ බලා පැමිණෙන අතරතුර අනුරාධපුර ප්රදේශයේ දී රථවාහන රාජකාරියේ යෙදී සිටි රථවාහන අංශයේ පොලිස් නිලධාරීන්ගේ රාජකාරියට බාධා කරමින් ඔවුන්ට තර්ජනය කර සිය බලය පෙන්නූ පාර්ලිමේන්තු මන්ත්රී රාමනාදන් අර්ජුනාට එරෙහිව මෙසේ පොලිසිය විසින් විමර්ශනයක් ආරම්භ කර තිබේ.
එපමණක් නොව එම මන්ත්රීවරයා විසින් සිදුකළ ප්රකාශයෙන් ජාතීන් අතර අසමගියක් ඇති වී තිබේද යන්න පිළිබඳව ද විමර්ශනයක් ක්රියාත්මක බව පොලිස් මාධ්ය ප්රකාශකවරයා කියා සිටියේය.
මෝටර් රථ ප්රවාහන පනත මෙන්ම දණ්ඩ නීති සංග්රහය යටතේ පාර්ලිමේන්තු මන්ත්රී රාමනාදන් අර්ච්චුනාට එරෙහිව අධිකරණයට කරුණු ගොනුකරන බව පොලිස් මාධ්ය ප්රකාශකවරයා වැඩිදුරටත් පැවසීය.
