මනම්පිටිය නිමල් ජයරත්න –
අරලගංවිල වැව් ඉස්මත්තෙ හොඩවැල මද්දකට හසුව බරපතල තුවාල ලබා සිටි කෙනෙරකුට ප්රතිකාර කිරීමට අරලගංවිල පිඹුරත්තෑව අඩවි වනජීවී කාර්යාලයේ වනජීවී නිළධාරීන් ඊයේ 24 හවස කටයුතු කළේය.
කෙනරට ප්රතිකාර කරන අවස්ථාවේ ඇගේ කුඩා අලි පැටියාද එම ස්ථානයේ රැදී සිටීම හේතුවෙන් එම කෙනරට ප්රතිකාර කිරීමට දැඩි පරිශ්රමයක් දැරීමට වනජීවී නිළධාරීන්ට සිදුවූහ.
හොඩවැල මද්දකට හසුව තුවාල ලබා සිටියේ මාදුරුඔය රක්ෂිතයේ සැරිසරන වයස අවුරුදු 25-30 ත් අතර වයසේ පසුවන උස අඩි 08 ක් පමණවන කෙනරකි. ඇයගේ පැටවා වයස අවුරුදු 3ක් පමණවන බව වනජීවී පිඹුරත්තාව සහකාර අඩවි ආරක්ෂක එස්.ඒ. වික්රමරත්න පැවසීය.
මීට මාසකට පමණ ඉහතදී මෙම කෙනර මෙලෙස මද්දකට හසුව තුවාල වන්නට ඇති බවට සැකකෙරෙන බව පිඹුරත්තෑව වනජීවි නිලධාරිහු සඳහන් කළහ.
දඩයක්කරුවෙකු විසින් වන සතුන් දඩයම් කිරීම සඳහා අටවන ලද මද්දකට හසුවි මෙම කෙනෙරගේ හොඩවැල බරපතල තුවාල ලබන්නට ඇති බවට වනජීවී නිලධාරිහු සැක පළ කරති.
තුවාල වූ කෙනර 24 වෙනිදා හවස අරලගංවිල වැව් ඉස්මත්තට පැමිණ සිටි අවස්ථාවේ අරලගංවිල ,පිඹුරත්තෑව අඩවි වනජීවී කාර්යාලයේ වනජීවී නිළධාරීන් හා ගිරිතලේ වනජීවී පශු වෛද්ය සමීර කලිගුආරච්චි ඇතුළු වනජීවී නිලධාරී කණ්ඩායමක් එම කෙනර නිර්වින්දනය කර ප්රතිකාර කරනු ලැබූහ.
පැය දෙකක පමණ මෙහෙයුමකින් පසුව කෙනරගේ හොඩයේ තුවාලයට ප්රතිකාර කර එම කෙනර හා ඇගේ පැටවා මාදුරුඔය රක්ෂිතයට මුදා හැරීමට වනජීවී නිලධාරීහු කටයුතු කරනු ලැබූහ.
