හිටපු නියෝජ්ය පොලිස්පති ප්රියන්ත ජයකොඩි සකස් කරගත් පිටපතකට අනුව කෙහෙල්බද්දර පද්මේට ඇඳගෙන පානදුර ප්රදේශයේ තරුණයෙක් ලවා විශ්රාම ගොස් සිටින තමාටත්, ආරක්ෂක ප්රධානීන්ට සහ දේශපාලකයින්ටත් හතර අතේ මරණ තර්ජනය එල්ල කරමින් අලජ්ජි රංගනයක යෙදී ඇත්තේ විශ්රාමික පොලිස් ප්රධානීන්ට ලබා දුන් ආරක්ෂාව ඉවත් කිරීම වළක්වාගෙන තමන්ට මෙතෙක් ලැබුණ පොලිස් ආරක්ෂාව දිගටම තබා ගැනීමට බව විමර්ශන අංශ විසින් මේ වනවිට හෙළිකරගෙන තිබේ.
විශ්රාමික පොලිස් ප්රධානීන්ට ලබා දී තිබූ ආරක්ෂාව යටතේ මෙතෙක් ප්රියන්ත ජයකොඩිට පොලිස් භටයින් දෙදෙනෙකුගේ ආරක්ෂාව ලබා දී තිබිණි.
එම වරප්රසාදය ආරක්ෂා කරගැනීමට තර්ජනාත්මක දුරකතන ඇමතුම් තමාට පමණක් ගෙන්වා නොගෙන පොලිස් පරිපාලන අංශ ප්රධානී ලලිත් පතිනායක, හිටපු මහජන ආරක්ෂක ඇමැති ටිරාන් අලස් සහ එවකට පොලිස්පති දේශබන්දු තෙන්නකෝන්ගේ පුතාට ද ලබා දී ඇත්තේ ඉන් ආර්ක්ෂාව පිළිබඳ කාරණාවට වැඩි අවධානයක් යොමුකර ගැනීමටත් සිද්ධිය පිළිබඳව සැකයක් ඇති නොවීමටත් බව විමර්ශන අංශ පවසයි.
තමාට තර්ජනයක් පාතාලයෙන් එල්ලවී ඇති බව ප්රියන්ත ජයකොඩි වැඩබලන පොලිස්පතිවරයා දැනුම්වත් කිරීමත් සමඟ ඔහුගේ ආරක්ෂාවට පොලිස් විශේෂ කාර්ය බළකායේ කණ්ඩායමක් පවා නිවෙසට යොමුකර ආරක්ෂාව තර කිරීමට පොලිසිය පියවර ගෙන තිබිණි.
තර්ජනාත්මක දුරකතන ඇමතුම තමාට පමණක් ගෙන්වා නොගෙන පොලිස් පරිපාලන අංශ ප්රධානී ලලිත් පතිනායක, හිටපු මහජන ආරක්ෂක ඇමැති ටිරාන් අලස් සහ දේශබන්දු තෙන්නකෝන් මහතාගේ පුතාට ද ලබා දී ඇත්තේ ඒ තුළින් වැඩි අවධානයක් යොමුකර ගැනීමටත් සැකයක් ඇති නොවීමටත් බව විමර්ශනවලින් පෙනී ගොස් තිබේ.
මේ පිළිබඳව ලැබෙන පැමිණිලිත් සමග වැඩ බලන පොලිස්පතිවරයාගේ නියෝග මත අපරාධ පරීක්ෂණ දෙපාර්තමේන්තුව ආරම්භ කළ විමර්ශන අනුව අනාවරණය වී ඇත්තේ ඩුබායි රාජ්යයේ භාවිතාවන අංකයක් ඔස්සේ අන්තර්ජාල මෘදුකාංගයක් හරහා ඩුබායි සිට ඇමතුම් ලබා ගන්නා ආකාරයෙන් අදාල ඇමතුම් ලබාගෙන ඇති බවය.
එම සිම්කාඩ්පත සම්බන්ධයෙන් කළ තාක්ෂණික විමර්ශනයේදී තර්ජනාත්මක ඇමතුම ලබා දුන් පුද්ගලයා අතින් සිදුවූ අත්වැරදීමක් විමර්ශන නිලධාරීන් අනාවරණය කර ගෙන තිබිණි. ඒ ඔස්සේ විමර්ශන පැවැත්වූ අපරාධ පරීක්ෂණ දෙපාර්තමේන්තුවේ නිලධාරීන් විසින් කෙහෙල්බද්දර පද්මේ නමින් පෙනී සිටිමින් ඇමතුම් ලබා දෙමින් තර්ජනය කළ පානදුර ප්රදේශයේ 31 හැවිරිදි පුද්ගලයා හඳුනාගැනීමට සමත්ව ඇත.
ඔහුව අත් අඩංගුවට ගෙන රැඳවුම් නියෝගමත තබාගෙන ප්රශ්න කිරීමේ දි ඔහු සජීවීකරණය කර ඇත්තේ විශ්රාමික SDIG ප්රියන්ත ජයකොඩිගේ පිටපතක් බව අනාවරණයය වීමෙන් පසු ඔහුව අත් අඩංගුවට ගෙන තිබේ. තමන් රෝගී තත්ත්වයෙන් පසුවන බව කියමින් මේ වනවිට ප්රියන්ත ජයකොඩි රාගම රෝහලට ඇතුළත් වී ඇත.
