දිනසේන රතුගමගේ –
හිටපු එල්.ටී.ටී.ඊ. නායක වේලුපිල්ලේ ප්රභාකරන්ගේ හැත්තෑවෙනි උපන් දිනය සැමරීම පිණිස ඔහුගේ වැල්වෙට්ටිතුරේ ප්රදේශයේ පිහිටි නිවසේදී ඊයේ (26) සවස උපන් දින සාදයක් සංවිධානය කොට තිබුණි.
ප්රභාකාරන්ගේ මස්සිනා කෙනෙකු වන උතුරු පළාත් සභාවේ හිටපු මන්ත්රි හා පාර්ලිමේන්තු මන්ත්රී එම්.කේ ශිවාජිලිංගම් මෙම අවස්ථාවේදී කේක් ගෙඩියක් කපා පැමිණ සිටි පිරිසට සංග්රහ කළේය.
අනතුරුව ප්රභාකරන්ගේ ඡායාරූපයකට මල් දමක් පලඳවා ඔහුට පින් අනුමෝදන් කරවීමද සිදු කරණු ලැබීය.
ප්රභාකරන්ගේ පවුලේ ඥාතීන් හා හිතවතුන් මෙහිදී පැල කීපයක් ප්රභාකරන්ගේ නිවස ඉදිරිපිටදී රෝපණය කළ අතර ඔවුන්ද ප්රභාකාරන්ගේ ඡායාරූපයකට මල්දම් පලදවනු ලැබීය. යාපනයේ අරක්ෂක අංශ නිලධාරීන් රුසක් එම ස්ථානයට පැමිණ සිටියහ.
එම්.කේ ශිවාජිලිංගම් විසින් ප්රභාකරන්ගේ නිවස අසල උපන් දිනය සැමරිම පිණිස කේක් කපද්දී වසර හතක්ම යපනයේ ආරක්ෂක අංශ විසින් ඔහුව අත් අඩංගුවට ගන්නා ලද නමුත් මෙවර එවැනි පරිසරයක් යාපනයේදී දක්නට නොලැබුණි.
