ස්වාධීන අපේක්ෂකයෙකු ලෙස මෙවර ජනාධිපතිවරණයට ඉදිරිපත්ව සිටින ජනාධිපති රනිල් වික්රමසිංහ කොළඹ ටාජ් සමුද්රා හෝටලයේ දී “පස් වසරක මෙහෙයුම පුළුවන් ශ්රී ලංකා” ප්රතිපත්ති ප්රකාශය එළි දැක්වූයේය.
එම ප්රතිපත්ති ප්රකාශය ජනාධිපතිවරයා විසින් එළිදක්වන ලද්දේ https://www.ranil2024.lk යන වෙබ් අඩවිය හරහාය.
රාජ්ය සේවකයින්ට අති විශේෂ අවධානයක් ලබා දෙමින් පස් අවුරුදු සැලැස්මේ මෙම සැලැස්ම ඉදිරිපත් කර තිබීම විශේෂය.
2025 පාදක වසර ලෙස සලකා සියලුම රාජ්ය සේවකයින්ට ජීවන වියදම් දීමනාව මාසිකව රු 25,000ක් ගෙවීමට ජනාධිපති රනිල් වික්රමසිංහ මහතා සිය ප්රතිපත්ති ප්රකාශයේ සඳහන් කර තිබේ.
එහි තවදුරටත් දක්වා ඇත්තේ රාජ්ය සේවයේ අවම ආරම්භක වැටුප 24%ක අවම ප්රතිශතයකින් වැඩිකර ජීවන වියදම් දීමනාව සමග දළ වැටුප රු 55,000ක් ලෙසත් අනිකුත් සියලුම තනතුරු සඳහා මුලික වැටුප ඒ අනුව ගලපන බව ද ජනාධිපතිවරයා සිය පස් අවුරුදු සැලැස්ම තුළින් එළිදක්වා ඇත.
*වයස අවුරුදු 40ට අඩු රාජ්ය සේවක සේවිකාවන්ට සේවා කාර්යක්ෂමතාව වැඩි දියුණු කරලීමට ඉවහල්වන පාඨමාලා හැදෑරීම සඳහා පඩි සහිත නිවාඩු ලබාදීම.
* රාජ්ය ප්රතිපත්ති හා පරිපාලන විශ්වවිද්යාලයක් ස්ථාපිත කිරීම.
* කුසලතාව මත පදනම් වූ උසස් වීම් ක්රමවේදයක්.
* රාජ්ය සේවය කාර්යක්ෂම හා විධිමත් තලයකට ඔසවා තැබීමට ලැප්ටොප්, ටැබ්, ස්මාර්ට් දුරකථන රාජ්ය සේවකයින්ට සහන පදනමින් ලබාදීම.
*රජයේ නව නිවාස වැඩ පිළිවෙලේ දී නිවාස හිමිකම් නොමැති රාජ්ය සේවකයින්ට ප්රමුඛතාවය ලබාදීම.
*ආපදා ණය මුදල ඉහළ නැංවීමටත්, දේපළ හා නිවාස ණය යළි ලබාදීමටත් කටයුතු කරනවා.
* නිවසේ සිට රාජකාරී ඉටු කළ හැකි සේවාවවන් නිවසේ සිට ඉටු කිරීමට අවසර ලබාදෙනවා.
*නිශ්චිත හා විධිමත් ස්ථාන මාරු ක්රමයක් හඳුන්වා දීම.
*විශ්රාමිකයින්ගේ වැටුප් විෂමතා ඉවත් කිරීම.
*ජ්යෙෂ්ඨ පුරවැසියන් වෙනුවෙන් නවීන පහසුකම්වලින් යුතු ජ්යෙෂ්ඨ පුරවැසි රැකවරණ මධ්යස්ථාන රට පුරා ඉදි කිරීම.
* ජ්යෙෂ්ඨ පුරවැසියන් උදෙසා ජාතික ප්රතිපත්තිය 2025 වසරේ සංශෝධනය කිරීම.
* ජ්යෙෂ්ඨ පුරවැසියන්ගේ සමාජ, සංස්කෘතික ජීවිතය පෝෂණය කිරීම සඳහා ප්රාදේශීය ලේකම් කාර්යාල සහ ප්රජා මණ්ඩල මඟින් විවිධ ක්රියාකාරකම් සංවිධානය කිරීම.
විශේෂ අවශ්යතා සහිත ප්රජාව වෙනුවෙන් ආබාධ සහිත තැනැත්තන් පිළිබඳ එක්සත් ජාතීන්ගේ සම්මුතියේ 4 වැනි ව්යවස්ථාව අනුව එවැනි තැනැත්තන්ගේ සියලු මානව අයිතිවාසිකම් හා මුලික නිදහස පූර්ණ වශයෙන් සහතික කිරීම සඳහා නව පනතක් 2025 දී පාර්ලිමේන්තුවට ගෙන ඒම,
* සංඥා භාෂා පනත් කෙටුම්පත සම්මත කර ගැනීමටත්, විශේෂ අවශ්යතා ඇති තැනැත්තන් සඳහා ජාතික ප්රතිපත්තියක් සැකසීම.
*ඔවුන් සඳහා වූ ගොඩනැගිලි ප්රවේශ ප්රතිපත්තිය කාලානුරූපීව සංශෝධනය.
ලබන වසර තුළ නව රැකියා අවස්ථා 100,000ක් ලබාදීම ඇතුළු ආකාර්ශනීය ප්රතිලාභ රැසක් ලබා දීමට මෙම ප්රතිපත්ති මාලාවෙන් යෝජනා කර තිබේ..
එම ප්රතිපත්ති ප්රකාශනය පහත දැක්වෙන දිගුවෙන් බා ගත කර ගත හැකිය.
Download – https://drive.google.com/file/d/1_5y2SnOvTnLt8AiWId-nAPn71L3paWpp/view?usp=sharing
