ශ්රී ලංකා කණ්ඩායමේ හිටපු වේග පන්දු යවන ක්රීඩක ධම්මික ප්රසාද් ලබන පෙබරවාරි 7 සිට මාර්තු 8 දක්වා පැවැත්වෙන ICC පිරිමි T20 ලෝක කුසලාන තරගාවලියට පෙර එක්සත් ජනපද පිරිමි ජාතික ක්රිකට් කණ්ඩායමේ වේග පන්දු පුහුණුකරු සහ සහකාර පුහුණුකරු ලෙස පත් කර ඇත.
2006 සහ 2015 අතර කාලය තුළ ශ්රී ලංකාව නියෝජනය කළ පළපුරුදු දකුණත් මද වේග පන්දු යවන ක්රීඩකයෙක් යවන්නෙකුවන ප්රසාද් ඔහුගේ ක්රීඩා දිවිය තුළ, නව පන්දුවෙන් ඉක්මනින් ප්රතිවාදීන්ට පීඩනයක් ඇති කර කඩුළු ලබා ගැනීමේ හැකියාව සඳහා ප්රසිද්ධව සිටියේය.
2014 දී එංගලන්තයේදී ශ්රී ලංකාව ලැබූ ඓතිහාසික ටෙස්ට් තරගමාලා ජයග්රහණය ඇතුළුව තරඟාවලි ජයග්රහණ සඳහා ප්රධාන භූමිකාවක් ධම්මික ප්රසාද් විසින් ඉටු කර තිබිණි.
2021 දී ජාත්යන්තර ක්රිකට් ක්රීඩාවෙන් විශ්රාම ගැනීමෙන් පසු, ප්රසාද් ජාත්යන්තර තරග රටා කිහිපයක පන්දු යැවීමේ පුහුණුකරුවෙකු සහ උපදේශකයෙකු ලෙස කටයුතු කරමින් අත්දැකීම් ලබා ගත්තේය. එක්සත් ජනපද ක්රිකට් සමඟ ඔහුගේ නව තනතුරත් සමග ධම්මික එක්සත් ජනපද ජාතික කණ්ඩායමේ වේගපන්දු යවන්නන් සමග සමීපව කටයුතු කරමින් ඉදිරි ගමනක් සඳහා ඔවුන්ගේ කුසලතා සහ උපායශීලී ප්රවේශයන් තියුණු කරනු ඇතැයි අපේක්ෂා කෙරේ.
බටහිර ඉන්දීය කොදෙව්වන් සමඟ 2024 විස්සයි 20 තරඟාවලියේ සම-සත්කාරකත්වය දැරූ එක්සත් ජනපද කණ්ඩායම ඉතිහාසයේ පළමු වරට පළමු වරට සුපිරි 8 අදියරට පිවිසියේය. එයට පාකිස්තානයට එරෙහිව නාටකාකාර සුපිරි ඕවර ජයග්රහණයක් ඇතුළත් වූ අතර, පසුව 2026 ඉසව්ව සඳහා තරගයකින් තොරව සුදුසුකම් ලැබීය. මේ තරගාවලියේ දී ශ්රී ලංකා කණ්ඩායම සුපිරි 08 දෙනා අතරටවත් පැමිණියේ නැත.
2026 ලෝක කුසලානයේදී, ඇමරිකා එක්සත් ජනපදය වත්මන් ශූර ඉන්දියාව, පාකිස්තානය, නැමීබියාව සහ නෙදර්ලන්තය සමඟ තරඟකාරී A කාණ්ඩයේ ස්ථානගත කර ඇත. ඔවුන්ගේ මුල්ම තරගය 2026 පෙබරවාරි 7 වන දින ඉන්දියාවට එරෙහිව ආරම්භ වීමට නියයමිතය.
