භාරත ලක්ෂ්මන් ප්රේමචන්දු ඝාතනය සම්බන්ධයෙන් වැරදිකරු වී මරණීය දණ්ඩනය නියමව සිටි හිටපු පාර්ලිමෙන්තු මන්ත්රී සහ ජාතික නිවාස සංවර්ධන අධිකරියේ සභාපති දුමින්ද සිල්වාට ජනාධිපති ගෝඨාභය රාජපක්ෂ විසින් පිරිනමන ලද සමාව අද ශ්රේෂඨාධිකරණය විසින් අත්හිටුවන ලදී.
ඝාතනයට ලක්වූ භාරත ලක්ෂ්මන් ප්රේමචන්දු ගේ බිරිඳවන ස්වර්ණා ප්රේමචන්දු සහ දියණිය හිරුණිකා ප්රේමන්ද්ර විසින් මෙම ජනාධිපති සමාව අභියෝගයට ලක් කරමින් ශ්රේෂ්ඨාධිකරණයේ ගොනු කරන ලද පෙත්සම් දෙකක් සලකා බැලීමෙන් පසුව යසන්ත කෝදාගොඩ, ප්රිති පද්මන් සූරසේන, අචල වෙන්ගප්පුලි යන ශ්රේෂ්ඨාධිකරණ විනිසුරන් විසින් මෙම නියෝගය ලබා දෙනු ලැබ ඇත.
මෙම පෙත්සම් පිළිබඳව සලකා බැලූ ශ්රේෂ්ඨාධිකරණය ඊට අදාළ විභාගයන් දෙකක් පවත්වාගෙන යාමටද තීරණය කර ඇති අතර දුමින්ද සිල්වා ට වහා අත්අඩංගුවට ගන්නා ලෙස අපරාධ පරීක්ෂණ දෙපාර්තමේන්තුවටද නියෝගයක් නිකුත් ව තිබේ. එමෙන්ම දුමින්ද සිල්වා ගේ ගමන් තහනමක් පනවමින් විදේශ ගමන් බලපත්රයද තහනමකට ලක් කළේය.
හිරුණිකා ප්රේමචන්දු මහත්මිය වෙනුවෙන් පාර්ලිමේන්තු මන්ත්රී එම් ඒ සුමන්තිරන් පෙනී සිටි අතර ස්වර්ණා ප්රේමචන්දු වෙනුවෙන් ජනාධිපති නීතීඥ එරාජ් ද සිල්වා පෙනී සිට ඇත.
කෙසේ වුවද මේ වනවිටත් දුමින්ද සිල්වා විදේශ ගතව සිටින බව ආරංචි මාර්ග සඳහන් කරයි.
