ආණ්ඩුක්රම ව්යවස්ථාවේ 21 වැනි සංශෝධන කෙටුම්පතේ පැවති අඩුපාඩු සියල්ල ජනාධිපති වරයා සමග ඊයේ (16) පැවති සාකච්ඡාවේ දී සම්පූර්ණ කළ බව අධිකරණ ඇමති විජේදාස රාජපක්ෂ පැවසීය.
මේ අනුව ලබන සඳුදා එම සංශෝධනය කැබිනට් මණ්ඩලයේ අනුමැතිය ලබාගෙන එය පාර්ලිමේන්තුවට ඉදිරිපත් කරන බවද හෙතෙම පැවසීය.
ජනධිපති ගෝඨාභ්ය රාජපක්ෂ පක්ෂ නායකයින් සහ පොදු ජන පෙරමුණේ ක්රියාකාරීන් අතර පැවති මෙම සාකච්ඡාවේ දී 21 වැනි සංශෝධනය පිළිබඳ තාක්ෂණික ගැටලු කීපයක් පිළිබඳව අවධානය යොමු කරමින් ඒ සියල්ල යළි සකස් කළ බව අධිකරණ ඇමතිවරයා කීවේය.
21 වැනි සංශෝධනයේ ජනමත විචාරණයකට තුඩු දෙන කරුණු කිසිවක් අන්තර්ගත කර නොමැති බව පවසන ඔහු එසේ ජනමත විචාරණයට තුඩු දෙන කරුණු ඇතුළත් වීමෙන් සිදුන්නේ 21 තවදුරටත් කල් ගතවීම බව පෙන්වා දුනනේය.
මෙම සංශෝධන කෙටුම්පත මීට අවස්ථා 04ක දී කැබිනට් මණ්ඩලයට ඉදිරිපත් කළේය. එම කිසිදු අවස්ථාවකවත් කැබිනට් මණ්ඩලයෙන් එය සම්මත කරගැනීමට නොහැකි විය.
