ආණ්ඩුක්රම ව්යවස්ථාවේ 22 වැනි සංශෝධනය යටතේ ද්විත්ව පුරවැසියෙකුට පාර්ලිමේන්තුව නියෝජනය කළ නොහැකි බවට ඇතුළත් කර ඇති වගන්තිය වහාම ඉවත් කරගන්නා ලෙස පොදුජන පෙරමුණේ මන්ත්රීවරු පිරිසක් අධිකරණ ඇමති විජේදාස රාජපක්ෂට යෝජනා කර ඇත.
මෙවැනි වගන්තියක් ආණ්ඩුක්රම ව්යවස්ථාවට ඇතුළත් කිරීම තුළින් සිය පක්ෂයේ ප්රතිපත්තිවලට පටහැනිවන බව ඔවුන් පෙන්වා දී ඇත.
ශ්රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ ද්විත්ව පුරවැසියෙක් බවත්, ඔහුට පාර්ලිමේන්තුව නියෝජනය කිරීමට ඇති අවස්ථාව අහිමි කිරීම පක්ෂයේ ප්රතිපත්තිවලට පටහැනි බවත් අධිකරණ ඇමතිවරයාට මෙම මන්ත්රී කණ්ඩායම පෙන්වා දී තිබේ.
මේ අනුව ද්විත්ව පුරවැසියන්ට පාර්ලිමේන්තුව නියොජනය කිරීමට නොහැකි බවට ඇති වගන්තිය වහා ඉවත් කරනොගන්නෙ නම් 22 වැනි සංශෝධනයට පාර්ලිමේන්තුව තුළ ඡන්දය පාවිච්චි කිරීම සම්බන්ධව නැවත සිතාබැලීමට සිදුවන බව එම මන්ත්රී කණ්ඩායම අධිකරණ ඇමතිවරයාට අනතුරු අඟවා ඇත.
