තලාව, ජයගඟ හංදිය ප්රදේශයේදී අද දහවල් මගී බස් රථයක් පෙරළීමෙන් සිදුවු රිය අනතුරින් පාසල් සිසුවෙකු මියගොස් තිබේ. මිය ගොස් ඇත්තේ මෙවර අපොස උසස් පෙළ විභාගයට පෙනි සිටින දරුවෙකි.
අනතුර සිදුවන විට බස් රථයේ 40කට අධික පිරිසක් ගමන් කරමින් සිට ඇත. උසස් පෙළ විභාගයට පෙනී සිටි දරුවන් ද, මෙවර අපොස සාමාන්ය පෙළ විභාගය සඳහා සම්මන්ත්රණයකට පෙනී සිටීමට යන දරුවන් ද බස් රථයේ ගමන් කරමින් සිට ඇත.
තුවාලකරුවන් මේ වනවිට කඩිනමින් අනුරාධපුර රෝහල වෙත මාරු කර යවා තිබේ.
අනුරාධපුර ශික්ෂණ රෝහලේ 38 දෙනෙකු සහ තලාව රෝහලේ 4 දෙනෙකු තුවාල ලබා ප්රතිකාර ලබන බවත් පොලිස් මාධ්ය ප්රකාශකවරයා සඳහන් කරයි.
බස් රථය ගමන් කර ඇති ඉතා පටු මාර්ගයේ දී යතුරුපැදියකට ඉඩ ලබාදීමට යෑමෙන් මෙලෙස බසය පෙරළී ගොස් ඇතැයි සිදුවීම ඇසින් දුටුවෝ කීහ.
කලාප කාර්යාලය මඟින් සංවිධානය කළ සාමාන්ය පෙළ සම්මන්ත්රණයකට සහභාගී වීමට ගිය සිසුන් සහ උසස් පෙළ විභාගයට පෙනී සිටි සිසුන් තුවාල ලැබූ පිරිස සිටී.
අනතුර සම්බන්ධයෙන් තඹුත්තේගම පොලීසිය වැඩිදුර විමර්ශන සිදුකරයි
