ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ පෙබරවාරි අග එක්සත් රාජධානියේ ඔක්ස්ෆර්ඩ් (Oxford Union) සහ කේම්බ්රිජ් (Cambridge Union) යන ශිෂ්ය සංගම් ඇමතීමට නියමිතව තිබුණ බවත් ඊට එරෙහිව බ්රිතාන්යය පුරා වෙසෙන දෙමළ ඩයස්පෝරාව හා එල්ටීටීඊ හිතවාදීන් ඒකාබද්ධව දැඩි විරෝධතා ප්රකාශ කර ඇති බැවින් එම දේශනය අවලංගු කර ඇති බවත් පොදු ජන පෙරමුණේ මාධ්ය අංශය නිවේදනය කරයි.
එම නිවේදනයේ දැක්වෙන්නේ නාමල් රාජපක්ෂට එරෙහිව ඩයස්පෝරාවේ විරෝධතා නිසා කේම්බ්රිජ් ශිෂ්ය සංගමය ඇමතීමට නියමිතව තිබූ දේශනය අවලංගු කර ඇති බවය.
එක්සත් රාජධානියේ දෙමළ ශිෂ්ය සංගම් සහ බ්රිතාන්ය දෙමළ තරුණ සංවිධානය (TYO UK) එක්ව නිකුත් කළ නිවේදනයක නාමල් රාජපක්ෂට ලබාදී ඇති මෙම අවස්ථාව වහාම අවලංගු කරන ලෙස දන්වා ඇතැයි එම මාධ්ය නිවේදනයේ දැක්වේ.
