දිනසේන රතුගමගේ –
ජාතික නිදහස් දිනය වර්ජනය කරමින් පෙබරවාරි හතර වෙනිදා උතුරු නැගෙනහිර පළාත් වලට ශෝක දිනයක් ලෙස සලකා කලු කොඩි ඔසවා රජයේ වැඩ පිළිවෙළට විරෝධය පල කරන ලෙස දෙමළ ජාතික සන්ධානය උතුරු නැගෙනහිර ස්වේච්ඡා සංවිධාන නියෝජිතයින්ගෙන් හා මහජනතාවගෙන් ඉල්ලීමක් කොට තිබේ.
දෙමළ ජාතික සන්ධානය පවසන්නේ රජය දෙමළ ජනතාව මර්දනය කිරීම සඳහා උතුරු නැගෙනහිර පළාත්වල ඉඩම් හා දේපල බලහත්කාරයෙන් අත්පත් කර ගන්නා බවයි.
වත්මන් රජය දෙමළ ජනතාවගේ ප්රශ්න විසඳීම සඳහා කිසිදු ක්රියා මාර්ගයක් අනුගමනය කොට නොමැති බව පවසන දෙමළ ජාතික සන්ධානය මේ නිසා රජයට විරෝධය පලකිරීම සඳහා එදිනට කලු කොඩි ඔසවන ලෙසත් විරෝධතා ව්යාපාර පවත්වන ලෙසත් දැනුම් දී තිබේ.
දෙමළ ජාතික සන්ධානය මේ ඉල්ලීම සිදු කරණ අතරවාරයේ යුද සමයේදී අතුරුදහන් වූ පුද්ගලයින්ගේ ඥාතී සංගම් විසින් ගත් තීරණයක සඳහන් වන්නේ පෙබරවාරී මස 4 වෙනිදා ශෝක දිනයක් ලෙස සලකා ඔවුන් කටයුතු කරන බවයි.
කිළිනොච්චිය හැර අනෙක් පළාත්වල එදින පෙරවරු 9 සිට පස්වරු 5 දක්වා රජයට විරෝධය පල කෙරෙන විරෝධතා සංවිධානය කොට ඇති බවත් කිළිනොච්චියේදී පෙබරවාරී 3 ,4 හා 5 යන දින තුනේම විරෝධතා පැවැත්වෙන බවත් ඔවුන් මේ වන විට නිවේදනය කොට තිබේ.
දෙමළ ජාතික සන්ධානය හා අනෙක් සංවිධාන විසින් නිකුත් කරන ලද එම නිවේදනයන් මේ වන විට උතුරු නැගෙනහිර පළාත්වල මාධ්යවේදීන්ට ලබා දී ඇති අතර බුද්ධි අංශද එම නිවේදනය සොයා ගෙන තිබේ.
