රජයට අදාළ සේවාවන් සඳහා මෑතකදී හඳුන්වා දුන් නිල මාර්ගගත ගෙවීම් වේදිකාව වන Govpay හරහා රථවාහන දඩ මුදල් ගෙවීමට ඉතා ඉක්මනින් හැකි වනු ඇති බව තොරතුරු හා සන්නිවේදන තාක්ෂණ ආයතනය (ICTA) පවසයි.
තොරතුරු හා සන්නිවේදන තාක්ෂණ ආයතනයේ අධ්යක්ෂ මණ්ඩල සාමාජික, ප්රමුඛ තාක්ෂණ ව්යවසායකයෙකු සහ බලපෑම් ආයෝජකයෙකු වන හර්ෂ පුරසිංහ උපුටා දක්වමින් ඩේලි මිරර් වාර්තා කරන්නේ මෙම සේවාව සක්රීය කිරීමට තොරතුරු හා සන්නිවේදන තාක්ෂණ ආයතනය කටයුතු කරන බවත්, එමඟින් මෝටර් රථ හිමියන්ට සැලකිය යුතු සහනයක් ලැබෙනු ඇති බවත්ය.
තොරතුරු හා සන්නිවේදන තාක්ෂණ ආයතනය දැනටමත් මේ සම්බන්ධව මූලික කටයුතු අවසන් කර ඇති බවත්, විධිමත් අවබෝධතා ගිවිසුමක් ඉක්මනින් අත්සන් කිරීමට අපේක්ෂා කරන බවත් රජයේ ආරංචි මාර්ග තහවුරු කර ඇත.
බදු, දඩ, බිල්පත්, අධ්යාපන ගාස්තු සහ අනෙකුත් ගාස්තු ඇතුළු විවිධ රජයට අදාළ සේවාවන් සඳහා ආරක්ෂිත සහ පහසු ඩිජිටල් ගනුදෙනු සඳහා පහසුකම් සැලසීම සඳහා ශ්රී ලංකා රජය Govpay ඩිජිටල් ගෙවීම් වේදිකාව දියත් කළේය. .
Govpay වේදිකාව දියත් කර දින හතක් තුළ රාජ්ය ආයතන 16 ක් සම්බන්ධ වී සිටි බවත් මේ වනවිට සංවිධාන 25 ක් මෙම ගෙවීම් වේදිකාව හා සම්බන්ධ බවත් පවසන තොරතුරු හා සන්නිවේදන තාක්ෂණ ආයතනය සෑම සතියකම, නව රාජ්ය ආයතන ඊට එකතු කරමින් සිටින බව පවසයි.
